اعىمداعى جىلدىڭ ناۋرىز ايىندا الماتى قالاسى، بوستاندىق اۋدانىنىڭ ءىىب-نا ورتا جاستان اسقان جەرگىلىكتى ازاماتشادان ارىز كەلىپ تۇسكەن. ارىزدا تۋعان قىزىنىڭ كامەلەت جاسقا تولماعان ءسابيىن قاراۋسىز تاستاپ، ءوزى ءىزىم-عايىم جوعالىپ كەتكەنى تۋرالى ايتىلعان. اتالمىش ءىس بويىنشا الماتى قالالىق كريمينالدى پوليسيا قىزمەتكەرلەرى جەدەل ىزدەستىرۋ جاريالاپ، كوپ ۇزاماي ىزدەۋ نىسانىنىڭ قايدا جاسىرىنعانى بەلگىلى بولعان. بۇل تۋرالى «قامشى» پورتالى  الماتى ق. ءىىد-نىڭ باسپا ءسوز قىزمەتىنە سىلتەمە جاساي وتىرىپ حابارلايدى. ىزدەۋ جۇمىستارىنىڭ ناتيجەسىندە تاسباۋىر انانى قۇقىق قورعاۋ قىزمەتكەرى تانىپ، ونى تۇتقىنداماق بولعان. الايدا كوكەك انا قارسىلىق تانىتىپ، پوليسياعا باعىنباعان. وسىلايشا وقيعا ورنىنا «بوران» پاترۋلدىك پوليسيا قىزمەتكەرلەرى كەلگەندە عانا ىزاعا بۋلىققان ايەل ساباسىنا تۇسكەن. تەرگەۋ جۇمىسى بارىسىندا انىقتالعانداي، ىزدەۋدەگى ايەلدىڭ اراسىندا اناسىمەن  كيكىلجىڭ بولعان ەكەن.  اشۋلانعان ايەل ءبارىن تاستاپ، ۇيدەن كەتىپ قالعان. قازىرگى تاڭدا ول ۇيىنە ورالماعان. ال كامەلەت جاسقا تولماعان بالاسى ءالى اجەسىنىڭ قاراۋىندا.