استانا قالا مەرەكەسىنە وراي بۇگىن قازاقستان ەلورداسى استانادا ارنايى قۇيىلعان تايقازاندا 750 كيلوگرامم ەت اسىلىپ، بۇل جاعداي گيننەستىڭ رەكوردتار كىتابىنا ەندى. قامىرىمەن قوسقاندا 700 تاباق ەت شىعىپ ول استانانىڭ باس الاڭىندا ورنىققان داستارحاندا حالىققا تاراتىلدى. ۇلتتىق تاعام حالىقققا تۇگەل جەتتى. جوعارى مادەنيەتتى قالا حالقى ەشبىر كەزەك، رەتسىزدىككە جول بەرمەي دامنەن اۋىز ءتيدى. قالعان 200 تاباق كەشكى ۋاقىتقا اۋىز اشارعا الىپ قالىنىپ، قازاقستاندا شىققان "بوكەن" ماركالى جاڭا كولىكپەن نۇر استانا، حازىرەت سۇلتان مەشىتتەرى جاققا جونەلتىلدى. كابۋل: حابارىمىزدى جالعاستىرامىز. ءدال وسىعان ۇقساس جاعداي اۋعانستان استاناسى كابۋلدا ورىن الدى. الايدا، ۇيىمداستىرۋشىلاردىڭ كەمشىلىگىنەن جانە قالا حالقى مەن قوناقتارى جاساعان رەتسىزدىكتەن تايقازان اينالاسىندا بەيبەرەكەتسىزدىككە جول بەرىلدى. قازاندى قورشاعان "ساقشىلار" مەن ارنايى تەمىر قورشاۋلاردى بۇزىپ وتكەن اش جالاڭاش، تۇك كورمەگەن حالىق ورتاعا لاپ قويدى. "ءاي بالام ماعان دا"، "اينالايىن ماعان دا ..." دەگەن جامىراعان داۋىستاردان قۇلاق تۇنادى. ارعى بۇرىشتا ەتتى جالما جان اساي سالىپ، قازانعا قايتا ۇمتىلعان ازامات، بەرگى بۇرىشتا اۋزى ساتپاق-ساتال، قولى سىرنە بولىپ جىلبىراعان ماي-ماي قالپى ەتتى وبىرلانا قاۋىپ تۇرعان ءبىر اشقاراق ازاماتتى كورەمىز. ەت حالىققا ۇلەستىرىلمەگەن كۇيى قازان بەتى جابىلدى. يتەرىسكەن، ۇرسىسقان حالىق، قالدىقتار مەن قوقىستان كوز تۇنادى. ەربولات قوشقاربايەۆ، facebook