ەلىمىزدە بالالار قۇقىعىن قورعاۋ ماقساتىندا حالىقارالىق قۇجاتتارعا قول قويىلىپ، شەت ەلدىك ۇيىمدارمەن بىرلەسكەن جوبالار جۇزەگە اسىرىلۋدا. شىلدە ايىنىڭ باسىندا

. بۇۇ بالالار قورىنىڭ قازاقستان رەسپۋبليكاسىنداعى وكىلى يۋريي وكساميتنىي مەن  ەلىمىزدەگى ەۋروپالىق وداق وكىلدىگىنىڭ تەحنيكالىق جاردەمدەسۋ ءبولىمىنىڭ باسشىسى جان-لۋي لاۆروفف  وبلىستى ارالاپ شىقتى. حالىقارالىق دەلەگاسيا «بالالارعا ارنالعان ءادىل سوت پەن ولاردىڭ قۇقىقتارىن قورعاۋ جۇيەسىن نىعايتۋ» اتتى بىرلەسكەن باعدارلاماسى اياسىندا شىعىس قازاقستان وبلىسىنىڭ اكىمدىگىندە كەزدەسۋ وتكىزىپ، بەلوۋسوۆكا اۋىلىنداعى كامەلەتكە تولماعاندارعا ارنالعان ەرەكشە ۇستاۋ رەجيمiندەگi ارنايى مەكتەپ-ينتەرناتقا كىرىپ شىقتى. قر-داعى يۋنيسەف پەن ەو وكىلدەرى تاربيەلەنۋشىلەرمەن جانە مۇعالىمدەرمەن كەزدەسىپ، مەكتەپتىڭ بولاشاعى تۋرالى پىكىر الماستى. ءوز سوزىندە يۋنيسەف وكىلى يۋريي وكساميتنىي قازاقستاندا ارنايى مەكتەپتەر جەلىسىندە جاسالىپ جاتقان رەفورمالارعا شولۋ جاساپ، ولاردى اشىق جۇيە مەن بالالارعا ارنالعان رەابيليتاسيا باعدارلامالارىنا قاراجاتتى قايتا ءبولۋ باعىتىندا وزگەرۋ قاجەتتىگىن اتاپ ءوتتى. شەت ەلدىك دەلەگاسيا وسكەمەن قالاسىنداعى №1 كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ ءتوراعاسى تولەۋعالي جۇماگەلدينمەن دە كەزدەستى. كەزدەسۋدە ءادىل سوت جۇيەسىندەگى بالالار قۇقىقتارىن قورعاۋ ماسەلەلەرى بويىنشا ءوزارا ىنتىماقتاستىق ماسەلەلەرى تالقىلاندى. سوتتىڭ سۋديالارعا ارنالعان پراكتيكالىق وقۋ قۇرالدارىن ازىرلەۋگە جانە بالالاردى سوت وتىرىسى كەزىندە جانە سوت تاعايىنداعان شارالاردى جۇزەگە اسىرۋ بارىسىندا الىپ ءجۇرۋ قىزمەتتەرى جەلىسىن دامىتۋعا قاتىسۋ ماسەلەلەرى ءسوز بولدى. قازاقستانداعى يۋنيسەف جانە ەو وكىلدەرى «فەنيكس» دامىتۋ جانە بەيىمدەۋ ورتالىعى» قب جۇزەگە اسىراتىن كامەلەتكە تولماعاندارعا ارنالعان ديۆەرگەنسيا باعدارلاماسىنىڭ جۇمىسىمەن دە تانىستى. قازاقستاندا 2014 جىلدىڭ ماۋسىمىنان بەرى قولعا الىنعان "2014-2017 جىلدارعا ارنالعان قازاقستانداعى بالالارعا ارنالعان ءادىل سوت جانە ولاردىڭ قۇقىقتارىن قورعاۋ جۇيەسىن نىعايتۋ» اتتى بىرلەسكەن باعدارلامانىڭ جالپى بيۋدجەتى 2،4 ملن. ەۋرونى قۇرايدى.  شىعىس قازاقستان، قىزىلوردا جانە ماڭعىستاۋ وبلىستارىندا ىسكە اسىرىلىپ جاتقان بۇل باعدارلامانى 2017 جىلدىڭ ماۋسىمىندا اياقتاۋ جوسپارلانىپ وتىر.