راسىندا دا ءبىز قازىرگى كەزەڭدە «جاسىل ەكونوميكانىڭ» قاجەتتىلىگى تۋرالى ونىڭ پايداسى مەن تيىمدىلىگى تۋرالى ءجيى ايتامىز. الايدا بۇل جەردە تاعى ءبىر نارسە بار: ءبىز ول تۋرالى ۇنەمى ۇمىتىپ كەتە بەرەمىز. ول – نە دەيسىز عوي. «جاسىل ەكونوميكا»  بۇل – نارىق.  وعان دەندەپ ەنگەنىمىزبەن بىزدە وسى سالاعا لايىقتى مامان كادرلار بار ما؟  بۇل ەڭ باستى ماسەلە ەكەندىگى انىق.  وركەنيەت دامىعان سايىن تاحنولوگيالار دا جاڭارىپ بارادى. زامان ءبىر ورنىندا تۇرعان جوق. سالا جاڭارعان سايىن جاڭا ماماندىقتار پايدا بولۋدا. سول سياقتى «جاسىل ەكونوميكا» سالاسىنا دا جاڭا ماماندار قاجەت. ءبىراق وعان ءبىز قانشالىقتى دايىنبىز؟ بۇل ورايدا مەملەكەت نە ىستەپ جاتىر؟ ءبىز وسى ساۋالدى ەڭبەك جانە حالىقتى الەۋمەتتىك قورعاۋ مينيسترلىگىنە جولداعانبىز. قۋانىشىمىزعا وراي مينيسترلىكتىڭ باسپا ءسوز قىزمەتىنەن ءتيىستى جاۋاپ الدىق. دەمەك ماماندار بار، وقىتىلىپ جاتىر. بۇل ارينە دۇرىس قادام دەگەن ويعا كەلدىك. سونىمەن...

مينيسترلىكتىڭ باسپا ءسوز حاتشىسى ءمالىم وتكەندەي، بۇگىنگى تاڭدا «ەڭبەك» باعدارلاماسى بويىنشا ءونىمدى جۇمىس ىستەلىنىپ جاتىر ەكەن. باستى ماقساتى -الدىمەن جۇمىسسىزدى جويۋ، جاستاردى كاسىپكە باۋلۋ. سونىمەن قاتار، سۇرانىسقا يە بولىپ وتىرعان ماماندىقتار ءتىزىمىن جاساۋ، جاڭا سالا «جاسىل ەكونوميكا» ءۇشىن مامانداردى جاپپاي وقىتۋ جۇزەگە اسىرىلىپ جاتقانعا ۇقسايدى. بۇل جەردە ەكى ماسەلەنىڭ بارىن ايتا كەتكەن ءجون. بولاشاق ماماندار العاشقىدا 1-6 اي ارالىعىندا قىسقامەرزىمدىك كۋرستاردا وقيدى. ال ەكىنشىلەرى، ارنايى كوللەدجدەردە ءبىلىم الادى. ولار 2،5 جىلدىڭ ىشىندە ءتيىستى ماماندىقتارىن الىپ شىعادى. ارينە كولەدجدەردە وقىعاننىڭ وتە ءتيىمدى ەكەنى تۇسىنىكتى. ويتكەنى ولاردىڭ ارنايى تەحنيكالىق  دايىن بازاسى بار.

بىزگە ءتيىستى مينيسترلىكتەن ءمالىم ەتكەندەي، 2022 جىلعا دەيىن «جاسىل ەكونوميكا»  ءۇشىن وسى سالاعا قاتىستى 258 مىڭ ادامدى وقىتۋ كوزدەلىپ وتىر ەكەن. بۇل ارينە وتە   جاقسى قادام.  «جاسىل ەكونوميكا» دەپ جەلپىنىپ سويلەگەنمەن، سوڭىندا وعان مامان دايار بولماي شىقسا، ەڭ قيىنى سول. سوندىقتان دا ەجەلدەن كەلە جاتقان ءبىر ءتامسىل بار: ءىستى كادر شەشەدى.