2016 جىلدان باستاپ، قازاقستان مەكتەپتەرىندە 5 كۇندىك وقىتۋ ستاندارتتارى ەنگىزىلدى دەپ مالىمدەدى ق ر ءبىلىم جانە عىلىم ءمينيسترى اسلان ءسارىنجىپوۆ وتالىق كوممۋنيكاسيالار قىزمەتىندە وتكەن باسپا ءسوز  ءماسليحاتىندا. بۇل تۋرالى «قامشى» پورتالى «قازاقپاراتقا» سىلتەمە جاساي وتىرىپ حابارلايدى.

 «ءبىز قازاقستان پرەزيدەنتىنىڭ تاپسىرماسىمەن ورتا ءبىلىم بەرۋ مازمۇنىن وزگەرتۋدى باستاپ كەتتىك. جاڭا باعدارلامالار ەنگىزىلەدى. وندا ءبىلىم بەرۋدەن بۇرىن، وقۋشىلارعا قاجەتتى ماشىق پەن داعدىلاردى قالىپتاستىرۋعا ۇلكەن ءمان بەرىلەدى. بۇگىندە ءبىز 30 مەكتەپتى تاڭداپ الدىق، قىركۇيەكتەن باستاپ سول جۇيەنى سولارعا تاجىريبە رەتىندە ەنگىزەمىز. كەلەسى جىلى 1 سىنىپتان باستاپ، بارلىق مەكتەپتەرگە تاراتاتىن بولامىز»، - دەدى مينيستر.

ونىڭ ايتۋىنشا، جاڭا ستاندارتتار بالانىڭ وقۋعا ءتيىستى باعدارلاماسىن اۋىرلاتپايدى-مىس.

«وقۋشىلاردىڭ وقۋ ءپانى «كولەمىنىڭ» تىم ارتىپ كەتكەندىگىنە قاتىستى پىكىرگە كەلەتىن بولساق، اۋىرتپالىق وزگەرمەيدى. وقۋ باعدارلاماسى ودان ءارى اۋىرلامايدى. جاڭا ستاندارت بويىنشا ءبىز 5 كۇندىك وقۋ جۇيەسىن قاراستىرىپ وتىرمىز. مەكتەپتەردىڭ باسىم بولىگىندە 5 كۇندىك وقۋ بولادى. وقۋشىلار تىم كوپ جانە ءۇش اۋىسىمدا وقىتاتىن مەكتەپتەردە 6 كۇندىك وقىتۋ ءالى ساقتالا بەرمەك. ءبىراق ولاردىڭ سانى بىرەن-ساران»، - دەدى ا. ءسارىنجىپوۆ. 

ءيا، سونىمەن ءبىلىم جانە عىلىم مينيسترلىگىندەگى رەفورماتورلاردىڭ ۇسىنىسىمەن ەلىمىزدەگى ورتا مەكتەپتەردە ەندى ساباقتار اپتاسىنا 5 كۇن جانە  اعىلشىن تىلىندە وقىتىلاتىن بولادى.

ايتپاقشى، ەستەرىڭىزدە بولسا وسىدان ءبىراز ۋاقىت بۇرىن ق ر ورتا ءبىلىم بەرۋ مەكەمەلەرىنە 12 جىلدىق ءبىلىم بەرۋ كۋرستارى جۇيەسىن ەنگىزۋ تۋرالى ماسەلە قاراستىرىلعان بولاتىن. ءماجىلىس تالقىسىنا دەيىن بارىپ، ءتىپتى ارنايى كونسەپسياسى ازىرلەنگەن،  بۇل وقىتۋ جۇيەسى تۋرالى  12 جىلدىق ءبىلىم بەرۋدىڭ مىندەتتى مەملەكەتتىك ستاندارتتارىنىڭ جوباسى دايارلانعان ەدى. بۇل تۋرالى اتالمىش تۇجىرىمداما اۆتورلارىنىڭ ءبىرى، ىبىراي التىنسارين اتىنداعى ۇلتتىق ءبىلىم اكادەمياسىنىڭ ۆيسە-پرەزيدەنتى ءادىلحان دۇيسەبەك جۋرناليستەرگە كەڭىنەن ايتىپ بەرگەن ەدى. وندا  جاڭا ستاندارتتار بويىنشا بالا 6 جاستان باستاپ مەكتەپكە بارىپ وقيتىندىعى، بەس كۇندىك وقۋ باعدارلاماسىنا سايكەس، وقۋشىعا باعا قويۋ قاراستىرىلماعاندىعى، ساباقتىڭ ۇزاقتىعى 35 مينۋت بولاتىندىعى ايتىلعان. ال 2-3 سىنىپتان باستاپ بالالار شەت تىلدەرىن وقي باستاۋى ءتيىس بولعان. بۇل جۇيەنىڭ ارتىقشىلىعى 12 جىلدىق ءبىلىم بەرۋ كەزىندە “قازاق ەلى” ءپانى ەنگىزىلەتىن ەدى.  

وكىنىشكە وراي،  بيىل ق ر ءبىلىم جانە عىلىم مينيسترلىگى بۇل جۇيەدەن باس تارتتى.

«ءبىز بيىلشا بۇل جۇيەگە كوشۋدەن باس تارتتىق. سەبەبى مينيسترلىكتىڭ قازاقستانداعى بارلىق ءبىلىم بەرۋ مەكەمەلەرىن بىردەن 12 جىلدىق جۇيەگە كوشىرۋگە شاماسى كەلمەيدى. ءبىراق، الداعى ۋاقىتتاردا بۇل جۇيە ورنىعادى دەپ سەنەمىز. ءقازىردىڭ وزىندە قازاقستاندا 400-دەي بالا وسى جۇيەمەن ساباق وقۋدا. ءبىز وسى 400 بالاعا تاجىربيە جاساپ كورمەكپىز. ناتيجەسىن كورە جاتارسىزدار»،-دەگەن ەدى بعم ءمينيسترى اسلان ءسارىنجىپوۆ مىرزا.

نۇرزات توعجان