بۇگىن، 12 اقپاندا قازاقستان پرەزيدەنتى قاسىم-جومارت توقايەۆ قازاقستان حالقى اسسامبلەياسى ءتوراعاسىنىڭ ورىنباسارى جانسەيىت تۇيمەبايەۆتى قابىلدادى. بۇل تۋرالى اقوردا سايتى حابارلادى.
كەزدەسۋدە تۇيمەبايەۆ توقايەۆقا ۇكىمەتتىك كوميسسيانىڭ جامبىل وبلىسى قورداي اۋدانىنداعى ماسانشى، قاراكەمەر، سورتوبە، اۋقاتتى جانە باسقا دا اۋىلداردىڭ تۇرعىندارىمەن وتكىزگەن كەزدەسۋ قورىتىندىسى بويىنشا ەسەپ بەردى.
ال توقايەۆ تۇيمەباەقا ەلدەگى تۇراقتىلىقتى، ۇلتتار مەن ەتنوستار اراسىنداعى بىرلىك پەن ىنتىماقتاستىقتى ساقتاۋعا باعىتتالعان شارالار قابىلداۋ ءۇشىن ءبىرقاتار ناقتى تاپسىرما بەردى.
كەزدەسۋ بارىسىندا جامبىل وبلىسىنداعى دۇنگەن قاۋىمىنىڭ جەرگىلىكتى قازاق قاۋىمداستىعىمەن ارالاسۋىنا، قازاق ءتىلىن ۇيرەنۋىنە، مەملەكەتتىك ورگاندارعا قۇرمەتپەن قاراۋىنا قاتىستى ماسەلەلەرگە باسا ءمان بەرىلدى.
پىكىر قالدىرۋ