بۇل تۋرالى ماڭعىستاۋ وبلىستىق قوعامدىق كوممۋنيكاسيا ورتالىعىندا وتكەن بريفينگتە ءمالىم بولدى. «بيزنەستىڭ جول كارتاسى - 2025» مەملەكەتتىك باعدارلاماسىن ىسكە اسىرۋعا اعىمداعى جىلعا 5،1 ملرد. تەڭگە ءبولىندى (3،8 ملرد. تەڭگە قوسىمشا قاراجات). ونىڭ ىشىندە:
- كرەديتتەردىڭ پايىزدىق ستاۆكاسىن سۋبسيديالاۋعا 4،5 ملرد. تەڭگە؛
- كرەديتتەردى ءىشىنارا كەپىلدەندىرۋگە - 639،3 ملن. تەڭگە.
مو كاسىپكەرلىك جانە ساۋدا باسقارماسىنىڭ باسشىسى ۆەنەرا مۇستاپايەۆانىڭ ايتۋىنشا، مەملەكەت باسشىسىنىڭ تاپسىرماسىنا سايكەس توتەنشە جاعداي تالاپتارىنا كاسىپكەرلىكتى قولداۋ بويىنشا، «بيزنەستىڭ جول كارتاسى - 2025» جانە «قاراپايىم زاتتار ەكونوميكاسى» مەملەكەتتىك باعدارلامالارىن ىسكە اسىرۋ ءۇشىن ءبىرقاتار شارالار قابىلداۋ اياسىندا كەلەسى وزگەرىستەر كۇشىنە ەنگەن:
«بيزنەستىڭ جول كارتاسى - 2025» باعدارلاماسىندا سۋبسيديالاۋ قۇرالى بويىنشا:
- سالالىق شەكتەۋلەر الىنىپ تاستالدى؛
- كاسىپكەرلەر ءۇشىن مولشەرلەمە - 6% -عا دەيىن تومەندەدى؛
- باعدارلامانىڭ ءۇشىنشى باعىتى الىنىپ تاستالدى (كاسىپكەرلەردىڭ ۆاليۋتالىق تاۋەكەلدەرىن تومەندەتۋ).
- سۋبسيدياعا تيەسىلى نەسيەلەندىرۋ سوماسى – 7 ملرد. تەڭگەگە دەيىن ۇلعايدى.
«بيزنەستىڭ جول كارتاسى - 2025» باعدارلاماسىندا كەپىلدەندىرۋ قۇرالى بويىنشا وزگەرىستەر:
- ءبىرىنشى باعىت بويىنشا ءىسىن جاڭادان باستاعان كاسىپكەرلەرگە كەپىلدىك بويىنشا نەسيە سوماسى – 180 ملن. تەڭگەگە دەيىن ءوستى، ەكىنشى باعىت بويىنشا – نەسيە 360 ملن. تەڭگەگە دەيىن كەپىلدەندىرىلەدى. بۇل رەتتە نەسيە سوماسىنان 85%-عا كەپىلدەندىرىلەدى؛
- جۇمىس ىستەپ تۇرعان كاسىپكەرلەر ءۇشىن باعدارلامانىڭ ءبىرىنشى باعىتى بويىنشا نەسيەلەر 360 ملن. تەڭگەگە دەيىن، ەكىنشى باعىت بويىنشا 1 ملرد. تەڭگەگە دەيىن كەپىلدەندىرىلەدى. نەسيە سوماسىنان 50%-عا دەيىن كەپىلدەندىرىلەدى؛
- 100% اينالىم قاراجاتتارىن تولىقتىرۋعا باعدارلامانىڭ ءبىرىنشى باعىتى بويىنشا 360 ملن. تەڭگەگە دەيىن، ەكىنشى باعىتى بويىنشا 500 ملن. تەڭگەگە دەيىن كەپىلدەندىك بەرىلەدى. ساۋدا سالاسى بويىنشا اينالىم قاراجاتتارىن تولىقتىرۋعا 100 ملن.تەڭگەگە دەيىنگى نەسيەلەرمەن شەكتەلگەن؛
- سونداي-اق، ەكىنشى باعىت بويىنشا (ساۋدا جانە ق ر كاسىپكەرلىك كودەكسىنىنىڭ 24 بابى 4 تارماعىندا كورسەتىلگەن قىزمەت تۇرلەرىن قوسپاعاندا) سالالىق شەكتەۋلەر الىنىپ تاستالدى؛
- «بيزنەستىڭ جول كارتاسى - 2025» باعدارلاماسىنا كەلەسى ءىرى بيزنەس سۋبەكتىلەرى ەنگىزىلگەن، اتاپ ايتقاندا: ازىق-تۇلىك ءوندىرىسى، سابىن جانە جۋعىش قۇرالدارى، سانيتارلىق-گيگيەنالىق باعىتتاعى قاعاز ونىمدەرى، اۆتوموبيل اۆتوكولىگىمەن جۇك تاسىمالداۋ، قويما شارۋاشىلىعى جانە كولىك قىزمەتى، تۋريزم، مەنشىكتى نەمەسە جالعا الىنعان جىلجىمايتىن مۇلىكتى جالداۋ جانە باسقارۋ.
«سونداي-اق «قاراپايىم زاتتار ەكونوميكاسى» باعدارلاماسى بويىنشا باعدارلامانىڭ جالپى قارجىلاندىرۋ سوماسى 1 ترلن.تەڭگەگە دەيىن مەرزىمى 10 جىلعا ۇلعايتىلىپ، تاۋارلار تىزبەسى كەڭەيتىلدى»- ، دەدى «دامۋ» قورىنىڭ مو فيليالىنىڭ ديرەكتورى گۇلجان قالىمبەتوۆا.
پىكىر قالدىرۋ