بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە "Caspiy Operating" ءجشس-نىڭ باسشىسى ادىلەت پiرiمقۇلوۆ ءمالىم ەتتى. وبلىستا جاريالانعان توتەنشە جاعدايعا، سونداي-اق كارانتيندىك شارالارعا بايلانىستى، قالدىقتاردى جيناۋ جونىندەگى ۇيىمداردىڭ قىزمەتىن قازىرگى ۋاقىتتاعى سەبەپتەرگە بايلانىستى ىسكە اسىرۋ قيىندىق تۋعىزۋدا. كليەنتتەردىڭ تولەم قابىلەتتىلىگى - اقتاۋ قالاسى تۇرعىندارىنىڭ كوپشىلىگى جانە زاڭدى تۇلعالاردىڭ تولەم قابىلەتتىلىگى تومەندەگەن. مۇنداي كۇردەلى جاعداي تۋىنداعان كەزدە، جانار-جاعارماي ماتەريالدارىن ۋاقىتىلى ساتىپ الۋ، قىزمەتكەرلەرگە ەڭبەكاقى تولەۋ، سونىمەن قاتار، كاسىپورىندى قىسقارتۋ جانە باسقا مىندەتتەمەلەردى ورىنداۋ مۇمكىن ەمەس بولىپ وتىر. قالدىقتاردى ۇزدىكسىز جيناۋدى توقتاتۋ، ءوز كەزەگىندە، حالىقتىڭ دەنساۋلىعىنا جانە جالپى سانيتارلىق-ەكولوگيالىق جاعدايىنا ءقاۋىپ توندىرەتىنى بەلگىلى.
-كارانتيندىك جاعدايدا كاسىپورىننىڭ جۇمىس ىستەۋى، ءقاۋىپتى جاعدايلاردا جۇمىستاردى ورىنداۋ، ارنايى تەحنيكا مەن كونتەينەرلىك الاڭداردى دەزينفەكسيالاۋ قۇرالدارىمەن قوسىمشا وڭدەۋ ءۇشىن، ەپيدەمياعا قارسى ءىس-شارالاردى قامتاماسىز ەتۋ ءۇشىن، سىزدەن قاتتى تۇرمىستىق قالدىقتاردى جيناۋ، شىعارۋ جانە كومۋ بويىنشا قىزمەتتەر ءۇشىن بەرەشەكتى تولەۋىڭىزدى سۇرايمىز. اي سايىن جيناقتالعان بەرەشەك جونىندە مالىمەتى بار تولەم قۇجاتتارى كليەنتتەرگە جەتكىزىلىپ تۇرادى. سونىمەن قاتار، جينالعان بەرەشەكتى كليەنتتەر ءبولىپ تولەۋ مۇمكىندىگى بار، - دەيدى "Caspiy Operating" جشس-نىڭ باسشىسى ادىلەت پiرiمقۇلوۆ.
"Caspiy Operating" ج ش س باسقا دا كوممۋنالدىق، تىرشىلىكتى قامتاماسىز ەتەتىن كاسىپورىندار سياقتى بورىشكەرلەرگە اسەر ەتۋ، ياعني ەلەكترمەن جابدىقتاۋدى اجىراتۋ، سۋ بەرۋ جانە ت.ب. جولدارىمەن بەرەشەكتى قايتارۋدى، سوتقا جۇگىنۋدەن باسقا، جۇزەگە اسىرا المايدى. وسىعان وراي، سالا ماماندارى اتالعان ماسەلەگە تۇرعىنداردان ۇلكەن جاۋاپكەرشىلىكپەن قاراپ، ورىنداۋلارىن سۇرايدى.
تۇرعىندار تولەمدى كەلەسى بانك بولىمشەلەرىندە جانە ينتەرنەت-بانكينگتەر جەلىسى مەن قوسىمشالارىندا جۇرگىزۋگە بولادى: كاѕرibank، ForteBank، Homebank.kz، سەسنا بانك، ەۋرازيالىق بانك، كازپوچتا، كاسسا24 جانە QIWI تەرمينالدارى (ءاربىر ازىق-تۇلىك دۇكەنىندە ورنالاسقان).
پىكىر قالدىرۋ