ماڭعىستاۋ وبلىسىندا جەڭىستىڭ 75 جىلدىعىنا وراي سوعىس ارداگەرلەرى مەن تىل مايدانىندا ەڭبەك ەتكەن ارداگەرلەردى ۇلىقتاۋ شارالارى ءجۇرىپ جاتىر.
قازىرگى تاڭدا وبلىستا سوعىسقا قاتىسقان 11 ارداگەر جانە 900 تىل ارداگەرى بار. مەرەكە قارساڭىندا وبلىس اكىمدىگىنىڭ قولداۋىمەن بارلىق ارداگەرلەرگە اقشالاي ماتەريالدىق قومەك ەسەپ شوتتارىنا اۋدارىلدى. ونىڭ ىشىندە 11 سوعىس ارداگەرىنىڭ ءارقايسىسىنا 1 ميلليون تەڭگەدەن بەرىلدى. سونداي-اق، سوعىس مۇگەدەكتەرىنە - 1 ملن. تەڭگەدەن، تىل ەڭبەككەرلەرىنە - 40 اەك-تەن، سوعىس مۇگەدەكتەرىنە تەڭەستىرىلگەندەرگە -60 اەك جانە باسقا دا ساناتتاعى اسكەريلەرگە قوسىمشا قاراجات بەرىلدى.
بۇدان بولەك، ارداگەرلەردىڭ تۋعان كۇندەرى دە ەسكەرۋسىز قالىپ جاتقان جوق. وبلىستىق ارداگەرلەر كەڭەسىنىڭ ءتوراعاسى سەرىكباي تولەتوۆ تاۋشىق اۋىلىندا تۇراتىن ارداگەر مامبەتوۆ ىبرايكوم جانە اقتاۋ قالاسىنىڭ تۇرعىنى ارداگەر سۋحونوس ستانيسلاۆ ءتروفيموۆيچتى وبلىس اكىمى سەرىكباي ترۇموۆتىڭ اتىنان ارنايى قۇتتىقتاپ بارىپ، العىس حاتتارىن تابىستادى.
پىكىر قالدىرۋ