پارلامەنت ءماجىلىسىنىڭ دەپۋتاتى مەيرام بەگەنتايەۆ قىسقاشا ۇزىلىستەن كەيىن قازاقستاننىڭ شەكسىز دالاسىن جىلجىمالى ۇيىمەن ارالاۋدى جالعاستىردى. ول ءوزىنىڭ ساپارىندا كورگەن كورىنىستەرىن  Facebook جەلىسىندەگى پاراقشاسىنا جازادى، سول جەردە ءوز تولعانىسىمەن بولىسەدى. مىسالى، دەپۋتاتتى جولداردىڭ ساپاسى، كەمپينگكە جاسالعان جاعدايلاردىڭ ناشارلىعى مەن ادەمى جەرلەردەگى تولىپ جاتقان قوقىس تولعاندىرادى، - دەگەن. بۇل تۋرالى "قامشى" اقپاراتتىق پورتالى Tengrinews.kz سايىتىنا سىلتەمە جاساي وتىرىپ حابارلايدى.

«اۆتوساياحاتتى جالعاستىرا كەلە،  كەشە قاراعاندىعا اتتاندىق، سودان كەيىن بالقاشقا تارتتىق. بالالار جولدا بىردەن ۇيىقتاپ قالدى. تاڭەرتەڭ ەرتە ساعات 06.00-دە شىقساق تا، تاس جولدا كولىك كوپ. جولدىڭ قارسى باعىتىنا شىعاتىن جەرگىلىكتى كولىكتەر جەتەرلىك. جولدىڭ بويى جۇك كولىكتەرگە تولى. مۇنىڭ ەكى سەبەبى بولۋى مۇمكىن: جول جابىندىسى ساپاسىز نەمەسە كولىك ينسپەكسياسى بايقاماي 25 تونناعا ارتىق تيەلگەن قىتايدىڭ 40 توننالىق كولىكتەرىن تاس جولعا جىبەرگەن. مەنىڭ بىلۋىمشە، ولار كارەرلەردە جۇمىس ىستەۋگە ارنالعان. ءبىز جولدار كوتەرمەيتىن جۇكتەردى تاس جولدار ارقىلى تاسىمالداپ، ءوز قۇدىعىمىزعا ءوزىمىز تۇكىرەمىز. ءبىر قولىمىزبەن جاساپ، ەكىنشى قولىمىزبەن بۇلدىرەمىز"، - دەپ ءوز ويىمەن ءبولىستى بەگەنتايەۆ جانە ءوز تولعانىسىن سۋرەتىمەن تۇيىندەدى.

مەيرام بەگەنتايەۆتىڭ Facebook جەلىسىندەگى پاراقشاسىنان الىنعان سۋرەت

"جول بويىندا كولىك جۇرگىزىپ كەلە جاتقاندا سان ويلار مازالايدى. سول بويدا مەن مىنانى ويلادىم جول دەگەنىمىز كەز-كەلگەن مەملەكەتتىڭ كۇرەتامىرى. ءبىز جولدا بىر-بىرىمىزگە جۇرگىزۋشىلىك داستۇرمەن كومەگىمىزدى كورسەتەمىز، جولدا ماي قىزمەتكەرلەرى تۇرسا، ءبىر - بىرىمىزگە ەسكەرتۋگە تىرىسامىز.  ءبىراق بۇل ءوزارا كومەك پە؟ جاقىندا ءبىر وقيعانىڭ كۋاسى بولدىم، ءبىر بەدەلدى ادام جىلدامدىقتى اسىرعانى ءۇشىن ۇستالعان بالاسىن اقتاپ الىپتى. ەڭ سوراقىسى، جىگىت بوساپ شىققاننان كەيىن، 20 مينۋت وتكەندە جول اپاتىنا تۇسكەن. ايتۋىنشا، اكەسى بالاسىن ءوز قولىممەن ءولتىردىم دەپ ءوزىن جازعىرادى ەكەن. سوندىقتان جولداعى كەزەكتى ءبىر ماجوردى كورىپ، اتا-اناسىنا جانىم اشىپ كەتتى"، - دەپ جازدى دەپۋتات ءوزىنىڭ پاراقشاسىندا.

مەيرام بەگەنتايەۆتىڭ Facebook جەلىسىندەگى پاراقشاسىنان الىنعان سۋرەت

ودان ءارى ول دەمالىس ورىندارىنداعى قوقىستاردىڭ ماسەلەسى ءجونىندن ءسوز قوزعادى.

"ءبىز بالقاش كولىنە قاراي جول تارتتىق! دەمالىسىمىز توڭىرەكتى تازارتۋدان باستالدى. قاسىمىزدا دەمالىپ جاتقانداردىڭ قولداۋ كورسەتكەنىن ايتا كەتۋدىڭ ءوزى جاعىمدى (ءتىپتى ۇلكەن قىزىم اينالانى تازارتتى، ءبىز ولارعا وسىلايشا ۇلگى بولعان شىعارمىز؟)"، - دەيدى بەگەنتايەۆ.

دەپۋتات  چەليابينسكتەن كەلگەن تۋريستەرمەن بالقاشتا جولىعىپتى:

"شايانداردى ۇستاعانشا اڭگىمەلەسۋدىڭ ءساتى ءتۇستى. تۋرسيستەر ول جەردە ءۇش كۇن بويى تۇرىپ جاتقان ەكەن. باسىندا ولار دەمالىس ورىندارىنىڭ بىرىنە توقتاپتى، ال كەلەسى كۇنى ول جەردەن كەتىپ قالعان. سونىمەن قاتار، بالقاش جاعالاۋىندا ولار دا اينالانى قوقىستان ۇزاق تازارتقان. ولاردىڭ التاۋى ەرەسەك ادامدار جانە ءتورت بالا بار (ءۇش وتباسى - ءۇش باۋىر جۇبايلارىمەن جانە بالالارىمەن). ايتۋلارىنشا، جاعالاۋدان سىرانىڭ ءجۇز شولمەگىن تەرىپ الىپتى، ولار ءبىر قارۋدان اتىلعان ەكەن (جاعاجايداعى قوقىس تولا بولسا، سۇمدىق قوي!!!) ەلىم ءۇشىن قاتتى ۇيالدىم، سەبەبى ولار ءبىزدىڭ ەلگە كەلگەن قوناق قوي، ونى وزدەرىنە ايتىپ، مويىندادىم دا. ولار: "ەشتەڭە ەتپەيدى، مۇنداي كوپتەگەن جەردە كەزدەسەدى"، - دەپ جاۋاپ بەرىپتى. وسىلاي دەپ اياقتادى اڭگىمەسىن دەپۋتات.

ەسكە سالا كەتەيىك، دەپۋتات ءوزىنىڭ ساياحاتى تۋراسىندا 23 شىلدەدەن باستاپ  الەۋمەتتىك جەلى ارقىلى بولىسكەن.  سودان بەرى ول بارلىق اسەرىمەن الەۋمەتتىك جەلى ارقىلى ءبولىسىپ ءجۇر.