ساحنادا جارقىراپ كورىنەتىن جۇلدىزداردىڭ ءومىرى ءبىر قاراعاندا ەرتەگىدەي بولىپ كورىنۋى مۇمكىن. الايدا، ولاردىڭ تانىمالدىلىعى ارتقان سايىن ومىرلەرى دە قاۋىپكە تولى بولاتىنى انىق.
قىزعانىش، كورە الماۋشىلىق، باسەكەلەستىك. مىنە،وسى ءبىر دۇنيەلەر تانىمالدىلىعى كۇن سايىن ارتقان جۇلدىزداردىڭ دۇشپاندارىن كوبەيتەدى.
وتاندىق انشىلەر اراسىندا دا باسەكەلەستىك پەن كورە الماۋشىلىقتىڭ سالدارىنان ومىرلەرىنە ءقاۋىپ تونەتىن ساتتەر بولادى. جاقىندا عانا "سلاۆيان بازارى" ءان بايقاۋىنان جۇلدەلى ورىندى قانجىعالاپ كەلگەن ديماش قۇدايبەرگەن ءوزىنىڭ بەرگەن سۇحباتىندا سۋىنا ۇيىقتاتاتىن ءدارى قوسقاندىعىن ايتقانى ەستەرىڭىزدە بولار. وسى سياقتى تالانت يەلەرىنىڭ ەڭبەگىن كورە الماۋشىلىقتىڭ كەسىرىنەن ءار ءتۇرلى جاعدايلار ورىن الىپ جاتادى.
سەرىكبول سايلاۋبەكتىڭ دە ءوز كونسەرتىن وتكىزىپ جاتقان ساتتە ءورت شىققانىن ايتادى. ينديرا راسىلحان: "كورە الماۋشىلىقتىڭ ەڭ باستىسى - ءسوز ارقىلى بولادى" دەپ، ءوز ويىمەن ءبولىستى.
