امەريكالىق تانىمال اكتريسا اندجەلينا دجولي 37 كەلىگە دەيىن ارىقتاپ كەتتى، ول قاتەرلى ىسىككە شالدىققان بولۋى مۇمكىن. مۇنداي تۇجىرىمدى باتىستىڭ اقپارات قۇرالدارى جاساپ وتىر. بۇل تۋرالى "قامشى" اقپاراتتىق پورتالى Vesti.ru سايتىنا سىلتەمە جاساي وتىرىپ حابارلايدى.

باسىلىم مالىمەتىنشە، سوڭعى ۋاقىتتا 40 جاستاعى ونەرپاز قاتتى جۇدەپ كەتكەن. بويى 169 سانتيمەتر بولاتىن ونىڭ 37 كەلى بولىپ قالعانى حابارلاندى. باسىلىم تىلشىلەرىنە پىكىر بىلدىرگەن دارىگەرلەر ءدجوليدىڭ انورەكسيا نەمەسە ونكولوگيالىق اۋرۋعا شالدىققان بولۋى مۇمكىن ەكەنىن بولجاعان.  

مۇنىمەن قاتار، تانىمال جۇلدىزدىڭ جەكە ومىرىندە دە جاعدايدىڭ ناشارلاپ كەتكەنى ايتىلادى. دجولي مەن برەد پيتت اجىراسۋ الدىندا ەكەن. وسىنىڭ سالدارىنان اكتريسا كۇيزەلىسكە ۇشىراعان كورىنەدى، الايدا ول كينوعا ءتۇسۋ جۇمىستارىنا ءالى دە قاتىسىپ ءجۇر. ونىڭ ۇستىنە اكتريسانىڭ قايىرىمدىلىق ميسسيالارمەن الەم ارالاپ، ءوزىن-وزى وسىنداي حالگە تۇسىرگەنى حابارلانىپ وتىر. 

ايتا كەتەيىك، 2007 جىلى قاتەرلى ىسىكتەن ونىڭ 56 جاستاعى شەشەسى مارشەلين بەرتران قايتىس بولعان ەدى. ال 2013 جىلى اكتريسانىڭ اپكەسى دەببي مارتين وسى دەرتتەن كوز جۇمدى.

 "قامشى" سىلتەيدى