اتىراۋ وبلىستىق ءبىلىم بەرۋ باسقارماسى وبلىستاعى مەكتەپ وقۋشىلارىنا قاتىستى بولعان وقىس وقيعالار الەۋمەتتىك جەلىلەردە جاريالاعانداي قاشىقتان وقىتۋداعى ينتەرنەت جەلىسىنە ەش قاتىسى جوق ەكەنىن حابارلادى.

"اتىراۋ وبلىستىق ءبىلىم بەرۋ باسقارماسىنىڭ مالىمەتىنشە، قىزىلقوعا اۋدانى جانتەرەك ەلدى مەكەنىندەگى  شتاتتىق  رەجيمدە جۇمىس ىستەيتىن  №75 باستاۋىش مەكتەپتىڭ 3-سىنىپ وقۋشىسى 27 قىركۇيەكتە قىرداعى  اتاسىنىڭ  ۇيىنە  بارعاندا، تراكتوردان قۇلاپ، قولىن اۋىرتىپ العان. ارتىنشا اناسى اتىراۋ قالاسىنا اكەلىپ، قولىنا گيپس سالدىرعان. قازىرگى كەزدە بالانىڭ جاعدايى جاقسى. مەكتەپتەگى ساباعىنا قاتىسىپ ءجۇر.

سونداي-اق اتىراۋ قالاسى تاسقالا ەلدىمەكەنىندە تۇراتىن  №32 ورتا مەكتەبىنىڭ 9-سىنىپ وقۋشىسى 1 قازان كۇنى ءوز ءۇيىنىڭ اۋلاسىندا كومەكتەسۋ ءۇشىن جاڭادان سالىنىپ جاتقان ءۇيدىڭ ۇستىنە شىعىپ، بايقاۋسىزدا قۇلاپ قولىن سىندىرىپ العان.  قازىرگى تاڭدا ول وبلىستىق بالالار اۋرۋحاناسىندا ەم الىپ جاتىر. ساباقتى قاشىقتان وقىپ وتىر. جاعدايى جاقسى" دەلىنگەن حابارلامادا.

بۇعان دەيىن اتىراۋ وبلىسىندا ينتەرنەت سيگنالىن ىزدەپ، بيىك جەرگە شىقپاق بولعان ەكى وقۋشى ابايسىزدا قۇلاپ جاراقاتتانى حابارلانعان.