قازاقستاندا اۋداندىق جانە وبلىستىق دەڭگەيدە جىل باسىنان بەرى  التى اكىم جۇمىستان كەتكەن. مۇنداي ستاتيستيكانى سىبايلاس جەمقورلىققا قارسى قىزمەت ۇسىندى، دەپ حابارلادى Tengrinews.kz.

حابارلامادا ايتىلعانداي، وتستاۆكاعا كەتۋ تۋرالى ءوتىنىشتى اۋداندىق جانە وبلىستىق دەڭگەيدەگى توعىز اكىم بەرگەن، ونىڭ التاۋى جۇمىستان شىعارىلعان.

"28 قىركۇيەكتە،  قوستاناي وبلىسى رۋدنىي قالاسىنىڭ اكىمى باقىتجان عايازوۆ وتستاۆكاعا كەتتى، ول وسى قىزمەتتى 2011 جىلدان بەرى اتقارىپ كەلە جاتقان. جاقىندا، باقىتجان عايازوۆتىڭ قولاستىنداعى قاشار كەنتىنىڭ اكىمى ارمان الدونعاروۆقا قاتىستى ۇكىم زاڭدى كۇشىنە ەندى.

اتىراۋ وبلىسى قۇرمانعازى اۋدانىنىڭ اكىمى قايرات نۇرتايەۆتىڭ وتستاۆكاعا كەتۋى تۋرالى ءوتىنىش قارالۋدا. ونىڭ ورىنباسارى وركەن تاجىبايەۆ سوتتالدى"، - دەپ حابارلادى بريفينگتە.

ۆەدومستۆودا ساتپايەۆ قالاسىنىڭ اكىمى اسقار ىدىرىسوۆ پەن الماتى وبلىسى پانفيلوۆ اۋدانى اكىمى تالعات ومىرالييەۆتىڭ ورنىنان كەتۋى تۋرالى ۇسىنىستارى ماقۇلدانباعانىن ايتتى. وبلىس اكىمدەرىنىڭ وكىمدەرىمەن ولارعا سوگىس جاريالانعان.

"ساتبايەۆ قالاسىنىڭ اكىمى وتستاۆكاعا ءوتىنىش بەرمەۋىنە بولاتىن ەدى، سەبەبى ونىڭ قولاستىنداعى قىزمەتكەر 2019 جىلعى 10 جەلتوقساندا، ياعني ۇكىم شىققانعا دەيىن قىلمىس جاساعان بولاتىن " دەپ اتاپ ءوتتى بريفينگتە.

سونىمەن قاتار، بەس ءىس باقىلاۋدا ەكەندىگى حابارلاندى. ۆەدومستۆودا اكىمشىلىك مەملەكەتتىك قىزمەتشىلەردىڭ تارتىپتىك جاۋاپكەرشىلىگى تۋرالى ايتىلدى. اتاپ ايتقاندا، 32 ءبىرىنشى ءتوراعا جاۋاپكەرشىلىككە تارتىلدى، ولاردىڭ بەسەۋى قىزمەتتەن كەتتى، 8ء-ى بوساتىلدى، 3-ەۋىنە قىزمەتكە تولىق لايىق ەمەستىگى تۋرالى ەسكەرتىلدى، 9-ى قاتاڭ سوگىس، 5ء-ى سوگىس، 2ء-ى ەسكەرتۋ الدى.