بۇگىن ەلورداداعى تاۋەلسىزدىك سارايىندا ءوتىپ جاتقان تمد-عا قاتىسۋشى مەملەكەتتەر باس پروكۋرورلارى ۇيلەستىرۋ كەڭەسىنىڭ 25ء-شى وتىرىسىندا ق ر باس پروكۋرورى اسحات داۋىلبايەۆ قازاقستاندا 21 ۇيىم ەكسترەميستىك جانە لاڭكەستىك دەپ تانىلعانىن ايتتى. بۇل تۋرالى "قامشى" پورتالى Baq.kz -كە سىلتەمە جاساپ حابارلايدى.

«سوت تارتىبىمەن 21 ۇيىم ەكسترەميستىك جانە لاڭكەستىك دەپ تانىلىپ، ولاردىڭ قىزمەتىنە رەسپۋبليكا اۋماعىندا تىيىم سالىنعان. سونىمەن قاتار، سوت ارقىلى سيريا مەن يراكتاعى لاڭكەستەردىڭ قاتارىنا قوسىلۋعا شاقىرعان ۆيدەوروليكتەر دە زاڭسىز دەپ تانىلدى»، - دەدى ول.

ا.داۋىلبايەۆتىڭ اتاپ وتۋىنشە، ەكسترەميستىك مازمۇنداعى ماتەريالداردىڭ عالامتور ارقىلى تارالۋىنا بايلانىستى شامامەن 660 اقپاراتتىق ماتەريال مەن 700 سايتتىڭ ونىمدەرىن جاريالاۋعا جانە تاراتۋعا تىيىم سالىنعان.

«قازاقستان باسقا ەلدەردىڭ تاجىريبەسى نەگىزىندە ءداستۇرلى ەمەس ءدىني اعىمداردىڭ ىقپالىنا ەرگەن ادامداردى الەۋمەتتىك وڭالتۋ جۇمىستارىن جۇرگىزۋدە. الدىن الۋ شارالارى باس بوستاندىعىنان ايىرۋ ورىندارىنداعى ءدىني راديكالداردىڭ جارتىسىنان استامىنىڭ ۇستانىمدارىن وزگەرتۋگە سەپتىگىن تيگىزدى. دەگەنمەن، ەكسترەميزم مەن لاڭكەستىك ءقاۋپى تومەندەر ەمەس»، - دەدى ق ر باس پروكۋرورى. 

"قامشى" سىلتەيدى