الەۋمەتتىك جەلىدە تيمۋر قۇلىبايەۆتىڭ شۆەيسارياداعى 600 ميلليوننان استام دوللار قارجىسى بار ەسەپشوتى بۇعاتتالعاندىعى تۋرالى اقپارات تارادى.  

– ب ا ق قۇرالدارىنا، نازاربايەۆقا، قازاقستاننىڭ باس پروكۋراتۋراسىنا، پارلامەنتكە تيمۋر قۇلىبايەۆتىڭ 100 ميلليونداعان دوللاردى جىمقىرىپ جاتقانى تۋرالى مالىمدەمە جاسادىم. ەشكىم قۇلاق اسپادى. سوسىن 6 قازاقستان ازاماتى شۆەيساريانىڭ پروكۋراتۋراسىنا ارىز جازدىق. مەنىڭ تاڭ قالعانىم – شۆەيساريا قۇلىبايەۆتىڭ  ەسەپشوتتارىنا ارەست قويدى، – دەيدى اقپارات تاراتۋشى اۆتور. 

ونىڭ ايتۋىنشا، ەسەپشوت 3 جىل بويى بۇعاتتالىپ جاتقان جانە كۋلەبايەۆ شوتتى اشۋعا بىرنەشە سەبەپتەر ايتقان. ارتىنشا قازاقستاننىڭ سالىق ينسپەكسياسى ول اقشالاردىڭ ۇرلانباعاندىعىن جانە قازاقستاننىڭ قارجى مينيسترلىگى بۇل اقپاراتتى راستاپ وتىرعاندىعىن حابارلاعان.

سونداي-اق، اۆتور داريعا نازاربايەۆانىڭ لوندونداعى اكتيۆتەرىن دە بۇعاتتاعانىن مالىمدەدى. اتاپ ايتقاندا نازاربايەۆانىڭ 100 ميلليون فۋنت شاماسىنداعى مۇلكىنە ارەست قويىلعانى جايلى اقپارات بەرىپ،  ونىڭ انگلياداعى 2 ءزاۋلىم ءۇيى مەن 2 پاتەرىنە قاتىستى دا پىكىر بىلدىرگەن.