قازاقستان رەسپۋبليكاسى ءبىلىم جانە عىلىم مينيسترلىگىنىڭ باستاماسىمەن جاڭا وقۋ جىلىنىڭ الدىندا جىل سايىنعى جالپى رەسپۋبليكالىق «مەكتەپكە جول» اكسياسى ءوتتى.

اكسيانىڭ ماقساتى – وقۋشىلاردىڭ مەكتەپكە بارۋىن قامتاماسىز ەتۋ، از قامتىلعان جانە كوپبالالى وتباسىلاردان شىققان بالالاردىڭ قاجەتتى ءبىلىم الۋىنا كومەكتەسۋ.

وسى ماقساتتا قالامىزداعى مادەنيەت ۇيىندە قالا اكىمدىگىنىڭ باستاماسىمەن «مەكتەپكە جول» «بالالارعا بىرگە كومەك بەرەيىك!» اتتى اكسيا جوعارى دەڭگەيدە ۇيىمداستىرىلىپ ءوتتى.

اتالعان اكسيا شاھار باسشىسى س.ەرتايدىڭ قۇتتىقتاۋ سوزىمەن باستالىپ، كونسەرتتىك باعدارلامالارعا ۇلاستى. اكسيا بارىسىندا بالالارعا قاجەتتى وقۋ قۇرالدارى مەن كيىم-كەشەكتەر ۇلەستىرىلدى. اتاپ ايتقاندا اكسياعا قالا باسشىسىنىڭ باستاماسىمەن قالا اكىمىنىڭ ورىنباسارلارى، ءماسليحات دەپۋتاتتارى، اۋىلدىق وكرۋگ اكىمدەرى، دەربەس ءبولىم باسشىلارى، قۇقىق قورعاۋ ورگاندارى مەن دەنساۋلىق ساقتاۋ، تەمىرجول جانە مەملەكەتتىك مەكەمەلەردىڭ باسشىلارى، قالامىزداعى باس يمام مەن جەكە كاسىپكەرلەر قاتىسىپ، اتسالىستى.

جىل سايىن دەمەۋشىلىك كورسەتىپ جۇرگەن، جانى جومارت ازاماتىمىز قازاقستان حالىقتار دوستىعى ۋنيۆەرسيتەتىنىڭ پرەزيدەنتى ءا.قۋاتبەكوۆ  10 بالاعا قاجەتتى كيىمدەر مەن وقۋ قۇرال جابدىقتارىن تابىستادى.

بيىلعى جىلعى اكسيانىڭ ەرەكشەلىگى قالامىزداعى «تورابتىق اۋرۋحانا» ۇجىمىنىڭ دەمەۋشىلەرى قايىرىمدىلىق كورسەتكەن بالاعا جىل بويىنا مەكەمە ارقىلى ساۋىقتىرۋ كەشەنىندە تەگىن ەمدەلىپ، دەمالۋىنا جانە جەكە كاسىپكەر ج.سارسەنبەكوۆ ءوزى قايىرىمدىلىق كورسەتكەن بالانىڭ وتباسىنا جىل كولەمىندە ازىق-تۇلىكپەن جانە وتىن-سۋمەن قامتاماسىز ەتەتىندىكتەرىن راستايتىن سەرتيفيكات تابىستادى.

اكسيا بارىسىندا دەمەۋشىلەر ەسەبىنەن 150 بالاعا 3،0 ملن. تەڭگەنىڭ كولەمىندە ماتەريالدىق كومەك كورسەتىلدى.

قالا باسشىسى س.ەرتاي دەمەۋشىلەردى قالا اكىمدىگىنىڭ اتىنان ريزاشىلىعىن ءبىلدىرىپ، «العىس حاتتارمەن» ماراپاتتادى.

بۇل شارا ءالى جالعاسىن تاباتىن بولادى.

ارىس قالاسى اكىمىنىڭ باسپا ءسوز حاتشىسى