تاعدىر تالكەگىمەن مۇگەدەك بالا تاربيەلەپ وتىرعان وتباسىلار از ەمەس. ونداي وتباسىلار باۋىر ەتى بالاسىن ارناۋلى ورىنداردا وقىتىپ جاتسا، كوپشىلىگى ۇيدە وقىپ تاربيەلەنۋدە. ۇيدە وقيتىن مۇگەدەك بالالارعا مەملەكەت تاراپىنان ماتەريالدىق قامسىزداندىرۋ تاعايىندالاتىنىن بىلمەيتىن دە اتا-انالار بولۋى مۇمكىن. مەملەكەت تاراپىنان كورسەتىلەتىن مۇنداي مۇمكىندىكتى الۋ ءۇشىن، ءسىز الەۋمەتتىك قامسىزداندىرۋ مەكەمەلەرىمەن قاتار، ءوزىڭىز تۇراتىن جەردەگى حالىققا قىزمەت كورسەتۋ ورتالىعىنا جۇگىنسەڭىز بولادى. «ۇيدە وقيتىن مۇگەدەك بالالارعا ماتەريالدىق قامسىزداندىرۋدى تاعايىنداۋ» مەملەكەتتىك كورسەتىلەتىن قىزمەتى حالىققا قىزمەت كورسەتۋ ورتالىعىندا بالامالى تۇردە كورسەتىلەدى. ول ءۇشىن حقكو-عا مىنا قۇجاتتاردى الىپ باراسىز: 1) سايكەس نىسان بويىنشا ءوتىنىش؛ 2) كورسەتىلەتىن قىزمەتتى الۋشىنىڭ، زاڭدى وكىلىنىڭ جەكە باسىن كۋالاندىراتىن قۇجات؛ 3) تۇرعىلىقتى جەرى بويىنشا تىركەلگەنىن راستايتىن قۇجات (مەكەنجاي انىقتاماسى نە اۋىل اكىمىنىڭ انىقتاماسى)؛ 4) پسيحولوگيالىق-مەديسينالىق-پەداگوگيكالىق كونسۋلتاسيانىڭ قورىتىندىسى؛ 5) مۇگەدەكتىگى تۋرالى انىقتاما؛ 6) بانكتەگى شوتتىڭ بولۋى تۋرالى قۇجات؛ 7) سايكەس نىسان بويىنشا مۇگەدەك بالانىڭ ۇيدە وقۋ فاكتىسىن راستايتىن وقۋ ورنىنىڭ انىقتاماسى. سالىستىرىپ تەكسەرۋ ءۇشىن قۇجاتتاردىڭ ءتۇپنۇسقالارى جانە كوشىرمەلەرى ۇسىنىلادى، سودان كەيىن قۇجاتتاردىڭ ءتۇپنۇسقالارى كورسەتىلەتىن قىزمەتتى الۋشىعا قايتارىلادى؛ مەملەكەتتىك قىزمەتتى كورسەتۋ مەرزىمى: حقكو-عا قۇجاتتاردىڭ توپتاماسىن تاپسىرعان ساتتەن باستاپ – 10 (ون) جۇمىس كۇنى ىشىندە؛ مەملەكەتتىك قىزمەت تەگىن كورسەتىلەدى. كورسەتىلەتىن قىزمەتتى الۋشىنىڭ ەسق-سى بولعان جاعدايدا مەملەكەتتىك كورسەتىلەتىن قىزمەتتى پورتال ارقىلى ەلەكتروندىق نىساندا الۋعا مۇمكىندىگى بار. مەملەكەتتىكقىزمەتتەركورسەتۋماسەلەلەرىجونىندەگىاقپاراتتى – 1414 نومىرىنەن بىلسەڭىز بولادى. «حالىققا قىزمەت كورسەتۋ ورتالىعى» رمك-نىڭ وقو بويىنشا فيليالىنىڭ وتىرار اۋداندىق ءبولىمىنىڭ ينسپەكتورى ن.ن. ماحانبەتوۆ