ساۋد ارابياسىنىڭ ساياسي بەلسەندىسى ومار ءال-سايد پاتشانى سىناعان ءۇشىن جازالاناتىن بولدى. سوت ونى ءتورت جىلعا قاماپ، ارقاسىنان 300 رەت شىبىقپەن ۇرۋعا ۇكىم شىعارىپ وتىر دەپ حابارلادى Reuters. 

ەلدەگى ازاماتتىق جانە ساياسي قۇقىقتار اسسوسياسياسى وكىلدەرىنىڭ حابارلاۋىنشا، ءال-سايد ءابسوليۋتتى مونارحياعا شەكتەۋ قويۋ كەرەك دەگەن ۇندەۋ تاراتقان. ال، بۇعان دەيىن پاتشالار اۋلەتى ادام قۇقىقتارىنىڭ ساقتالۋىنا كەدەرگى كەلتىرۋدە دەپ سىناعان ەكەن. سوت كەزىندە ايىپتالۋشىنىڭ قورعاۋشىسى بولماپتى. ايتا كەتەيىك، بيىلعى جىلى اتالمىش اسسوسياسيانىڭ ءتورت مۇشەسى تۇرمەگە جابىلىپ وتىر. ال، قۇقىق قورعاۋشىلار بولسا ەلدە 30 مىڭنان استام ساياسي تۇتقىننىڭ بار ەكەندىگىن مالىمدەپ وتىر. ساۋد ارابياسىنىڭ باسقارۋ جۇيەسى ءابسوليۋتتى مونارحيا بولىپ تابىلادى. پاتشا ابدۋللا ۇكىمەت مۇشەلەرىن ءوزى تاعايىنداپ، قىزمەتتەن ءوزى بوساتادى. مينيسترلەردىڭ بارلىعى دەرلىك پاتشانىڭ تۋىستارى ەكەندىگىن ايتا كەتۋ كەرەك. 

دەرەككوز: baq.kz