شىعىس قازاقستان وبلىسى وسكەمەن قالاسىندا جەر ۇيلەردىڭ ءبىرىنىڭ قوراسىنان 1،7 ملن تەڭگەسى بار، جەرگە كومىلگەن سەيف تابىلدى. بۇل تۋرالى «قامشى» پورتالى قازاقپاراتقا سىلتەمە جاساي وتىرىپ حابارلايدى.
وسكەمەن قالاسىنداعى زاششيتا ستانسياسىندا جەلىلىك پوليسيا ءبولىمىنىڭ قىلمىستىق پوليسەيلەرىنىڭ جەدەل-ىزدەۋ شارالارىن وتكىزۋ كەزىندە قالاداعى جەكەمەنشىك ۇيلەردىڭ ءبىرىنىڭ قوراسىندا 2013 جىلدىڭ ناۋرىز ايىندا جەكەمەنشىك فيرمالاردىڭ ءبىرىنىڭ كەڭسەسىنەن ۇرلانعان، ىشىندە 1 681 761 تەڭگە جاتقان جەرگە كومىلگەن سەيف تابىلىپ، الىنعان.
قازىرگى تاڭدا ۇرلىق جاسادى دەگەن كۇدىكپەن ءۇيدىڭ 43 جاستاعى يەسى ۇستالعان. ماتەريال قىلمىستىق ءىستى انىقتاۋ ءۇشىن وسكەمەن قالالىق ءىىب-نىڭ ءۇلبى پوليسيا بولىمىنە تاپسىرىلدى. تەرگەۋ امالدارى جۇرگىزىلىپ جاتىر.
