«استانا EXPO-2017» ۇلتتىق كومپانياسى توڭىرەگىندەگى داۋ ءالى تارقاماي تۇر. EXPO-2017 بۇرىنعى باسقارۋشى ديرەكتورى سۋلامبەك باركينحويەۆ 17 قازانعا دەيىن ءۇي قاماۋىندا بولادى. بۇل تۋرالى «قامشى» پورتالى  Tengrinews.kz-كە سىلتەمە جاساي وتىرىپ حابارلايدى.   استانا قالالىق سوتىنىڭ باسپا ءسوز قىزمەتىنىڭ مالىمەتىندە "№2 الماتى اۋداندىق سوتى ق ر قك-نىڭ 176 بابىنىڭ 4-بولىگىنىڭ "ب" تارماعىندا قاراستىرىلعان قىلمىستى جاساعانى ءۇشىن ايىپتالعان سۋلامبەك باركينحويەۆقا قاتىستى بۇلتارپاۋ شاراسىنىڭ مەرزىمىن ۇزارتۋعا بايلانىستى تەرگەۋشىنىڭ ءوتىنىشىن قاناعاتتاندىردى"، - دەپ جازىلعان.

سۋلامبەك باركينحويەۆتى قاماۋدا ۇستاۋ تۇرىندەگى بۇلتارتپاۋ شاراسى 4 ايعا دەيىن، ياعني 2015 جىلدىڭ 17 قازانىنا دەيىن ۇزارتىلدى.

"استانا ەكسپو-2017"ۇك" اق باسقارۋشى ديرەكتورى سۋلامبەك باركينحويەۆتىڭ   قاماۋعا الىنعانى جايلى بيىلعى ماۋسىمدا بەلگىلى بولدى. سول كەزدە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى ونىڭ "استانا ەكسپو-2017"ۇك" اق قىزمەتكەرلەرىنە قاتىستى 214 ميلليون تەڭگەنى جىمقىردى دەگەن كۇدىكپەن قوزعالعان قىلمىستىق ءىستى تەرگەۋ جۇمىستارى اياسىندا ۇستالعانىن حابارلادى.

«قامشى» سىلتەيدى