باستاۋىشتا ەكى قىزىم وقيدى، بىلتىرعا دەيىن مەملەكەتتىك مىندەتتى تاماقتاندىرۋ بويىنشا تاماقتانىپ كەلدى. ال ەندى مىنە، كۇنىنە 300 تەڭگە دەگەن باعانى قويىپ بالانىڭ تاماعىنا بەرسەڭ دە بەرەسىڭ، بەرمەسەڭ دە بەرەسىڭ دەپ سىنىپ جەتەكشىلەرى قىلقىلداپ جاتىر. بالاڭ ءۇشىن نەڭدى ايايسىڭ، بەرەسىڭ... بۇگىن بيۋدجەت جاعىن ءبىر قىسقارتۋشى قارجىگەرمەن پىكىرلەسىپ قالعانىمدا. "ءقازىر جەر- جەردە قىسقارتۋلار جاساپ جاتىرمىز، ماكسيمالنو ادامدى دا قىسقارتۋدامىز، جوسپارلانعان قارجىنى دا قىسقارتىپ جاتىرمىز" دەپ، قىسقارتۋدان شارشاپ وتىر. نە ءۇشىن؟ دەگەنگە "ءبارى - ەكسپو ءۇشىن! جەتپەي جاتىر، "ەكسپو" دەگەن ءبىر اۋليە شىقتى عوي، ۇنەمدەۋ سونىڭ سالدارىنان" دەدى؟! 
دۇرىس قوي، ءبىراق الەۋمەتتىك سالادا ەلباسى بىردە-بىر قىسقارتۋلار قايتا قوسىلماسا بولمايدى دەمەپ پا ەدى؟! ايتپاقشى، بالا كۇتىمىنە بايلانىستى دەمالىسقا شىققانداردىڭ الەۋمەتتىك جاردەماقىلارىنا دا ۇكىمەتتىڭ كۇندەرى ءتۇسىپ جاتقاندىعىن تاعى ايتتى. 
سوندا ەكسپو-نىڭ ارقاسىندا بۋىنى قاتايماق تۇگىلى، تۋىلماعان ۇرپاقتىڭ كوسەگەسى كوگەرمەسە، ءتيىستى مەملەكەتتىك قولداۋىن الا الماسا، بىزدىكى نە جورىق؟ راس، حالىقارالىق جوبا رەتىندە، ەلىمىزگە ينۆەستورلار، جاڭا تەحنولوگيالار جۇيەسى تارتىلادى دەگەنگە قارسى ەمەسپىن. ءبىراق، وزىندە 5 رەت ەكسپو كورمەسىن جاساعان بەلگيادا ەشقانداي بيۋدجەتتى قىسقارتپاي، قايتا مەملەكەتتىك مەيرامدار مەن اتاۋلى تويلاردى ازايتىپ-اق، ىشكى بيۋدجەتىمەن جاساپ شىقتى. بالانىڭ تاماعىنا، انانىڭ جاعدايىنا قول سۇقپادى عوي. 
راحمەت، ساعان ەكسپو! گۇلدەنسە ەكسپو، گۇلدەنەمىز ءبارىمىز!

ماقسات جاقاۋ، Facebook پاراقشاسىنان