جاقىندا ماسكەۋدەگى مەشىتتىڭ  اشىلۋ سالتاناتىنا قازاقستان پرەزيدەنتى نۇرسۇلتان نازاربايەۆ قاتىسادى دەپ جوسپارلانۋدا. بۇل تۋرالى رەسەيلىك بۇقارالىق اقپارات قۇرالدارى جازۋدا،-دەپ حابارلايدى «قامشى» پورتالى.

ۇيىمداستىرۋشىلار ماسكەۋ مەشىتىنىڭ اشىلۋىنا بارلىق مۇسىلمان مەملەكەتتەرىنەن دەلەگاسيا شاقىرعان. قازىرگى تاڭدا تەك ءۇش مەملەكەتتىڭ باسشىلارى رەستاۆراسيالانعان مەشىتتىڭ اشىلۋ سالتاناتىنا قاتىساتىندىقتارىن رەسمي مالىمدەگەن. ولار: قازاقستان پرەزيدەنتى نۇرسۇلتان نازاربايەۆ، پالەستينا كوشباسشىسى ماحمۋد ابباس جانە تۇركيا پرەزيدەنتى رەجەپ تايىپ ەردوعان.

ماسكەۋ مەشىتىنىڭ رەستاۆراسيالانعان جانە جاڭا كەشەنىنىڭ اشىلۋ سالتاناتى مۇسىلمان مەملەكەتتەرىنە ورتاق قاسيەتتى قۇربان ايت مەرەكەسى قارساڭىندا، 23-قىركۇيەككە جوسپارلانعان.

ەسكە سالا كەتەيىك، وسىنىڭ الدىندا جۇڭگو استاناسى پەكيندە ق ر پرەزيدەنتى ن.نازاربايەۆ پەن رف پرەزيدەنتى ۆ.پۋتين كەزدەسۋ جۇرگىزگەن بولاتىن. وندا مەملەكەت باسشىلارى ەكى ەل اراسىنداعى ەكى جاقتى قارىم-قاتىناستاردىڭ نەگىزگى ماسەلەلەرىن ءسوز ەتكەن. بۇل تۋرالى اقوردانىڭ باسپا ءسوز قىزمەتى حابارلاعان.

نۇرزات توعجان