كەشە الماتىدا "نۇر وتان" پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆتىڭ توراعالىعىمەن پارتيانىڭ الماتى قالالىق فيليالىنىڭ كەزەكتەن تىس وتىرىسى ءوتتى. بۇل تۋرالى «قامشى» پورتالى today.kz-كە سىلتەمە جاساي وتىرىپ حابارلايدى.
پارتيا ءتوراعاسىنىڭ ءبىرىنشى ورىنباسارى اسقار مىرزاحمەتوۆ پارتيانىڭ الدىڭعى ءتوراعاسى احمەتجان ەسىموۆكە جاساعان جۇمىسى ءۇشىن العىس ءبىلدىرىپ، الماتى اكىمى باۋىرجان بايبەك مىرزانى "نۇر وتان" پارتياسى الماتى قالالىق فيليالىنىڭ ءتوراعاسى بولىپ تاعايىنداعان.
ول ەسىموۆتىڭ كەزىندە قوعامنىڭ بىرلىگى مەن ىنتىماعى نىعايىپ، حالىقتىڭ پارتياعا دەگەن سەنىمى ارتقاندىعىن جەتكىزدى.
قالا باسشىسى ءوز كەزەگىندە پارتيالىق جۇمىسقا تاعايىندالعانىنا العىس ءبىلدىردى.
"مەن پارتيانىڭ ءار مۇشەسىن جاقسى بىلەمىن. مۇندا شىعارماشىلىق زيالى قاۋىم وكىلدەرى جينالعان. سىزدەردىڭ قولداۋلارىڭىزدىڭ ارقاسىندا مەملەكەت باسشىسى قويعان بارلىق مىندەتتەردى ابىرويمەن اتقارا الاتىنىمىزعا سەنىمدىمىن. سونداي-اق، وسىعان دەيىن اتان تۇيەگە جۇك بولارلىق جۇمىس اتقارعان احمەتجان ەسىموۆكە العىسىمدى بىلدىرەمىن. ول "ەكسپو-2017" الاڭىندا ءوز مىندەتىن مۇلتىكسىز اتقارارىنا سەنىمىم مول"، - دەدى ب.بايبەك.
سونداي-اق، جيىن بارىسىندا ب.بايبەك "بەلسەندى قىزمەتى ءۇشىن" وردەنىمەن ماراپاتتالدى.
