قازاقستان پرەزيدەنتى قوعام پىكىرىن ەكىگە بولگەن "وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى" زاڭ جوباسىنا قاتىستى پىكىر ءبىلدىردى.
"وتباسىلىق-تۇرمىستىق زورلىق-زومبىلىققا قارسى ءىس-قيمىل تۋرالى" زاڭ جوباسى قوعامدا قىزۋ تالقىعا تۇسۋدە. بۇل – ورىندى. وزەكتى ماسەلەلەر كەڭىنەن تالقىلانۋعا ءتيىس. ونىڭ نورمالارىن مۇقيات قاراپ، بارلىق پىكىرلەردى ەسكەرگەن ءجون. باستى مىندەتىمىز – ايەلدەر مەن بالالار قۇقىعىن قورعاۋ" دەلىنگەن پرەزيدەنتتىڭ twitter-دەگى جازباسىندا.
اتالعان زاڭ جوباسىنىڭ اينالاسىندا قوعام پىكىرى ەكىگە بولىنگەن. ءبىرى ونىڭ ماقۇلدانۋىنا قارسى بولسا، ەكىنشى تاراپ كەرىسىنشە بالالاردى زورلىق-زومبىلىقتان ساقتاۋ ءۇشىن زاڭنىڭ قابىلدانۋىن قالايدى.
پىكىر قالدىرۋ