Lifenews.ru ارناسىنىڭ مالىمەتىنە سۇيەنەتىن بولساق، مالدوۆا استاناسى كيشەنيەۆ قالاسىندا تۇرعىندار سوڭعى 20 جىلدا بولماعان نارازىلىق اكسياسىن ۇيىمداستىرعان.  بۇل اۋقىمدى اكسيانى ۇيىمداستىرۋشىلار ەلدىڭ قازىرگى بيلىگىن وتستاۆكاعا كەتۋىن تالاپ ەتۋدە.  بۇل تۋرالى «قامشى» پورتالى حابارلايدى.

مالدوۆانىڭ كيشەنيەۆ قالاسىنداعى  «ۇلى ۇلتتىق كەڭەسى» الاڭىندا 100 مىڭنان استام تۇرعىن ەلدىڭ قازىرگى بيلىگى مەن ۇكىمەتىن وتستاۆكاعا كەتۋىن تالاپ ەتىپ، ەرەۋىلگە شىققان.

نازارىلىق اكسياسىن  «Dا ازاماتتىق پلاتفورماسى» ساياسي بىرلەستىگى ۇيىمداستىرعان. نارازىلىق اكسياسىنا ەل استاناسىنان وزگە رەسپۋبليكانىڭ وزگە دە ايماقتارىنان تۇرعىندار كەلگەن.

 —  ءقازىر الاڭدا مالدوۆان تۋىمەن قاتار، ەو جالاۋى دا جەلبىرەپ تۇر. اكسيا بەلسەندىلەرى ۇكىمەت پەن پرەزيدەنتتىڭ وتستاۆكاعا كەتۋىن تالاپ ەتۋدە. سەبەبى، ولار وزدەرىنىڭ ۋادەلەرىندە تۇرمادى. «ۇرلانعان ميللياردتتار» ءۇشىن ولار جاۋاپ بەرۋى ءتيىس. ەلدىڭ ءۇش بىردەي ءىرى بانكىنەن 1 ميلليارد ەۆرونى شەتەلگە اسىرىپ جىبەرگەندەر وتستاۆكاعا كەتۋى ءتيىس،-دەيدى  وقيعا كۋاگەرلەرى «Lifenews» ارناسىنا.

نارازىلىق اكسياسىنا قاتىسۋشىلاردىڭ اشۋىن تۋعىزعان ەلدەگى تومەن جالاقى كورسەتكىشى، الەۋمەتتىك جاردەماقىلار مەن زەيناتاقىنىڭ جانە باسقا دا ەكونوميكالىق قيىنشىلىقتار.

ال مالدوۆا بيلىگى نارازى توپتىڭ بۇل ارەكەتىنە جاۋاپ بەرمەگەن. ال الاڭداعى جينالعاندار بيلىك وكىلدەرى كەلىپ تۇسىندىرمە بەرۋى ءتيىس دەيدى.

نۇرزات توعجان

«قامشى» سىلتەيدى