قازاقستاندىقتارعا مۇگەدەكتىك جانە اسىراۋشىدان ايىرىلۋ بويىنشا جاردەماقى تۇرىندە 32 ملرد تەڭگەدەن استام قاراجات تولەندى، دەپ حابارلادى kazinform.kz
قاڭتار ايىنان باستاپ رەسپۋبليكالىق بيۋدجەتتەن 32،1 ملرد تەڭگە ءبولىنىپ، ونىڭ ىشىندە
- مۇگەدەكتىگى بويىنشا مەملەكەتتىك الەۋمەتتىك جاردەماقى رەتىندە – 25،4 ملرد تەڭگە،
- اسىراۋشىسىنان ايرىلۋ جاعدايىنا – 6،7 ملرد تەڭگە تولەندى.
اقپاننىڭ 1ء-ى كۇنگى جاعدايعا سايكەس، مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلاردىڭ سانى 521،5 مىڭ ادامدى قۇراسا، اسىراۋشىسىنان ايرىلعاندار 165،9 مىڭ ادامدى قۇرايدى.
مۇگەدەكتىك جانە اسىراۋشىدان ايىرىلۋ جاعداياتتا مەملەكەت ۇسىنىپ وتىرعان الەۋمەتتىك جاردەماقى مولشەرى مۇگەدەكتىكتىڭ توبى مەن سەبەبىنە، قايتىس بولعان، اسىراۋشىنىڭ اسىراۋىندا بولعان ادامداردىڭ سانىنا، سونداي-اق ءتيىستى قارجى جىلىنا ارنالعان "رەسپۋبليكالىق بيۋدجەت تۋرالى" زاڭدا بەلگىلەنگەن ەڭ تومەنگى كۇنكورىس دەڭگەيىنە بايلانىستى بولماق.
- مۇگەدەكتىك بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى - 48 693 تەڭگە،
- اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى - 40 180 تەڭگە.
پىكىر قالدىرۋ