قازاقستان پرەزيدەنتى نۇرسۇلتان نازاربايەۆ بەيسەنبىدە بەسىنشى استانا ەكونوميكالىق فورۋمىنا قاتىسقان نوبەل سىيلىعىنىڭ 11 لاۋرەاتىن "قازاقستاننىڭ دامۋىنا ۇلەس قوسقانى ءۇشىن" ارنايى مەدالىمەن ماراپاتتادى. بۇل تۋرالى پرەزيدەنتتىڭ باسپا ءسوز قىزمەتى حابارلادى.
قازاقستانعا كەلگەن نوبەل سىيلىعىنىڭ يەگەرلەرى - روبەرت ماندەلل، ەدۆارد پرەسكوتت، دجون نەش، ەريك ماسكين، روبەرت اۋمانن، فينن كيدلاند، كريستوفەر پيسساريدەس، ميۋررەي گەلل-مانن، ادا سونات، سەر ريچارد دجون روبەرتس جانە كەرري بەنكس مۋلليس.
نازاربايەۆ لاۋرەاتتارمەن وتكىزگەن جيىندا "نوبەل سىيلىعىنىڭ 11 لاۋرەاتىن قابىلداۋ - قازاقستان ءۇشىن ۇلكەن مارتەبە" ەكەنىن ايتتى.
نوبەل سىيلىعى يەگەرلەرى سوڭعى ءۇش-تورت كۇندە ءال-فارابي اتىنداعى قازاق ۇلتتىق ۋنيۆەرسيتەتىندە، گۋميليەۆ اتىنداعى ەۋرازيا ۇلتتىق ۋنيۆەرسيتەتىندە، قازاق-بريتان تەحنيكالىق ۋنيۆەرسيتەتىندە ستۋدەنتتەرگە ءتۇرلى تاقىرىپتار بويىنشا دارىستەر وقىدى.
دەرەككوز: azattyq.org
پىكىر قالدىرۋ