قوستاناي وبلىسىندا تاعى 400 كيىكتىڭ ءولى دەنەسى تابىلدى دەپ حابارلادى اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساعان "ينتەرفاكس-قازاقستان" اگەنتتىگى. مينيسترلىكتىڭ حابارىنا قاراعاندا، 24 مامىردا اۋەدەن باقىلاۋ جاساعاندا 19 مامىردا كيىك قىرىلعان ماڭنىڭ وڭتۇستىك-باتىسىنداعى اۋماقتا شامامەن 400-دەن استام كيىكتىڭ ءولىپ جاتقانى انىقتالعان. كيىك قىرىلعان جەرگە وبلىستىق ورمان جانە اڭ شارۋاشىلىعى اۋماقتىق ينسپەكسياسىنىڭ قىزمەتكەرلەرى باردى. بۇعان دەيىن وسى وبلىستىڭ جانگەلدين اۋدانى سورشا اۋىلىنان 20 شاقىرىم جەردە 543 باس كيىكتىڭ قىرىلىپ قالعانىن ازاتتىق راديوسى حابارلاعان بولاتىن. مينيسترلىكتىڭ ورمان جانە اڭشىلىق شارۋاشىلىعى كوميتەتىنىڭ ءتوراعاسى ەرلان نىسانبايەۆ قوستانايدا قىرىلعان كيىكتەردىڭ "ىشتەرى كەۋىپ، اۋزىنان قاندى كوبىك اعىپ ولگەنىن" ايتقان ەدى. كوميتەت ءتوراعاسى ولگەن كيىكتەرگە لابوراتيالىق ساراپتاما جاسالىپ، ناتيجەسى ەكى اپتادان كەيىن دايىن بولاتىنىن حابارلاعان.
دەرەككوز: "ازاتتىق"
پىكىر قالدىرۋ