«سەندەرگە (ءىىد) شەتەلدىك تۋريستەردىڭ الماتىداعى ءجۇرىپ-تۇرۋ قاۋىپسىزدىگىن قامتاماسىز ەتۋگە باعىتتالعان كەشەندى شارالار ازىرلەۋ كەرەك، قىزمەتكەرلەر شتاتىندا شەتەل ءتىلىن بىلەتىندەر بولۋى كەرەك»، - دەدى اكىم بەيسەنبى كۇنى «الماتىدا ءتۋريزمدى دامىتۋدىڭ جاعدايى مەن كەلەشەگى» ماسەلەسى بويىنشا وتكىزگەن كەڭەستە.

«قازىرگى زامان پوليسەيلەرى تەك قانا قاۋىپسىزدىكتى عانا قامتاماسىز ەتىپ قويماي، شەتەلدىك قوناقتارعا كومەك جانە كونسۋلتاسيا بەرۋ ءۇشىن شەتەل تىلدەرىن دە مەڭگەرۋى ءتيىس، سەبەبى ولار ساۋال تۋىنداسا ءبىرىنشى كەزەكتە  پوليسەيلەرگە جۇگىنەدى. ءبىز بيۋدجەتىمىزدە پوليسەيلەرىمىزدىڭ اعىلشىنشا وقىپ ۇيرەنۋى ءۇشىن ارنايى قاراجات قاراستىرامىز»، - دەدى ا. ەسىموۆ. بۇل رەتتە قالالىق تۋريزم باسقارماسىنىڭ باستىعى باقىتجان جولامانوۆ الماتىدا ەكسكۋرسيالىق اۆتوبۋس پاركىن اشۋدى ۇسىندى.

«ىشكى ءتۋريزمنىڭ تەجەلىپ تۇرۋىنىڭ ءبىر سەبەبى، قالادا تۋريزم مەن دەلەگاسيالارعا ەكسكۋرسيالىق قىزمەت كورسەتەتىن ارنايى مامانداندىرىلعان مەكەمەنىڭ جوقتىعىندا. الماتىدا تۋريستەر ءۇشىن ەكسكۋرسيا ۇيىمداستىراتىن جانە تۋريستەردى قارسى الىپ، شىعارىپ سالۋ قىزمەتىن كورسەتەتىن كومفورتابەلدى اۆتوبۋس تا جوق ەكەنىن اتاپ كەتۋىمىز كەرەك»، - دەدى ول.

ونىڭ اتۋىنشا، تۋريستىك فيرمالار ەكسكۋرسيالىق جۇمىسپەن اينالىسپايدى، سەبەبى ولارعا ەكسكۋرسيا جەتەكشىلەرى مەن اۆتوبۋستاردى تۇراقتى نەگىزدە ۇستاپ وتىرۋ ءتيىمسىز.

«شەتەلدىك تۋريستەردى قارسى الىپ، شىعارىپ سالۋمەن جانە ەكۋسكۋرسيامەن اينالىساتىن تۋريستىك سۋبەكتىلەرگە لايىقتى باعامەن ەكسكۋرسيالىق اۆتوبۋستار بەرە الاتىن  جاڭا اۆتوبۋس پاركىن اشۋ قاجەتتىگى تۋىندادى»، - دەي كەلىپ ول، ونداي پاركتى مەملەكەتتىك-جەكە مەنشىك سەرىكتەستىك نەگىزىندە اشۋعا بولاتىنىن ناقتىلاپ كەتتى.

ب. جولامانوۆ سونداي-اق، الماتى حالىقارالىق اۋەجايىندا تۋريستەر ءۇشىن اقپاراتتىق-انىقتاما قىزمەتىن اشۋ قاجەتتىگىن، تۋريستەرگە قىزمەت كورسەتۋ ساپاسىن ارتتىرۋدى، شەكارالىق راسىمدەردەن ءوتۋ جانە جۇكتەرىن الۋ ۋاقىتىن قىسقارتۋ، سونداي-اق ناقتى تاريفتەردى بەكىتۋ ارقىلى تاكسي جۇمىسىن رەتكە كەلتىرۋ قاجەتتىگىن اتاپ ءوتتى.

«قىزمەت كورسەتۋ سالاسىنداعى كادرلار تاپشىلىعى بار. ءقازىر ەكسكۋرسياشى-گيد بولىپ جۇرگەندەر كىم بولسا، سولار. كوشەلەردە لاتىنشا ارىپتەرمەن جازىلعان سىلتەمەلەردىڭ جوقتىعىنان تۋريستەردىڭ قالادا جول باعدارلاۋى قيىن. كورسەتەتىن قىزمەت باعاسى مەن ساپاسىنىڭ ساي كەلمەۋى، قالادا ەكونوم كلاسستاعى قوناق ۇيلەرىنىڭ جەتپەيتىندىگى بار. تۋريستىك نىساندار اۋماعىندا اۆتوبۋستاردىڭ تۇراتىن جەرلەرىنىڭ جوقتىعى دا بار»، - دەپ ول الماتىدا ىشكى ءتۋريزمدى دامىتۋعا تەجەۋىش بولىپ وتىعان پروبلەمالاردى ساناپ شىقتى. وسىعان بايلانىستى ا. ەسىموۆ ءىىد-عا قالاداعى كورىكتى ورىنداردىڭ جانىندا ەكسكۋرسيالىق اۆتوبۋستار تۇراتىن ورىندار دايىنداۋدى جانە اتالعان اۆتوبۋستارعا ءتيىستى رۇقسات قۇجاتتارىن دايىنداۋدى تاپسىردى. ودان باسقا قالالىق ىشكى ساياسات بولىمىمەن بىرگە قالادا شەتەلدىك تۋريستەر وڭاي جول تابۋىلارى ءۇشىن لاتىنشا ارىپتەرمەن جازىلعان سىلتەمەلەر ورناتۋدى تاپسىردى.

الماتى حالىقارالىق اۋەجاي باسشىلىعىنا «اۋەجايدا تۋريستىك اقپاراتتىق-انىقتاما قىزمەتىن قالپىنا كەلتىرىپ، اۋەجايداعى تاكسي قىزمەتىن ىىد-مەن بىرلەسە رەتتەۋدى» تاپسىردى.

ا. ەسىموۆ قازاقستانداعى بارلىق 1500 تۋريستىك فيرمانىڭ 832ء-سى الماتىدا، ياعني 55%جۇمىس  ىستەيتىنىن اتاپ كورسەتتى.

«الماتى ەلىمىزدىڭ عانا ەمەس، بۇكىل ورتالىق-ازيا اۋماعىنىڭ تۋريزم ورتالىعىنا اينالۋىنىڭ بارلىق العىشارتتارى بار. بۇل ءۇشىن تۋريستىك ينفراقۇرىلىمدى دامىتۋ قاجەت، مەيرامحانالاردا، قوناق ۇيلەرىندە، دۇكەندەردەگى قىزمەت ساپاسى لايىقتى بولۋى كەرەك. تۋريزم سالاسىنداعى ءبىلىم دەڭگەيىن كوتەرۋ كەرەك، بىلىكتى گيدتەردى دايىنداۋ كەرەك. قوعام ساناسىندا تۋريزم – ەلدىڭ دامىعاندىعىنىڭ ايناسى ەكەندىگى تۋرالى كوزقاراس قالىپتاستىرۋىمىز كەرەك»، - دەپ ا. ەسىموۆ اتاپ كورسەتتى.