كازتاگ اقپاراتتىق اگەنتتىگىنىڭ حابارلاۋىنشا، 2014 جىلدىڭ 1 قاڭتارىنان باستاپ، جولاۋشى تاسىمالدايتىن تەمىر جول كولىكتەرىنىڭ ءتاريفى  7% -عا دەيىن قىمباتتايتىن بولادى.

ق ر تابيعي مونوپوليالاردى رەتتەۋ اگەنتتىگىنىڭ مالىمەتىنشە، 2013 جىلدىڭ 18 جەلتوقسانىنان باستاپ،  №07-10-32/18680 قاۋلىسىمەن «جولاۋشىلار تاسىمالى» اق مەن "شەت ايماقتارعا تاسىمالداۋ" اق-ى ارتىق شىعىندالۋدى بولدىرماس ءۇشىن تەمىر جولمەن ءجۇرۋ ءتاريفىنىڭ 2014 جىلدىڭ 1 قاڭتارىنان باستاپ جوعارىلايتىنىن مالىمدەدى.

 «جولاۋشىلار تاسىمالى» اق وبلىسارالىق جانە حالىقارالىق تەمىر جول تاسىمالىنىڭ بارلىق باعىتىنا پوەزدارمەن جول ءجۇرۋ اقىسى 7%-عا كوتەرىلەدى.

كومپانيا باسشىلارى مۇنداي شەشىمگە نەگىز بولعان ماسەلە وتىن-ەنەرگەتيكالىق رەسۋرستاردىڭ قىمباتتاۋى مەن جۇرگىنشىلەردىڭ جولدا قولداناتىن  زاتتارىنا پايدالانىلاتىن شىعىننىڭ ەسەبىنەن دەپ تۇسىندىرەدى.

قاتتى وتىنمەن جابدىقتاۋ باعاسىنىڭ ءوسۋى، سۋمەن قامتاماسىز ەتۋ باعاسى - 7%، ۆوكزال ۇيىنە كەتەتىن شىعىن ورتا ەسەپپەن - 13%، ۆاگونداردىڭ كۇردەلى جوندەۋىنە كەتەتىن قارجى ورتا ەسەپپەن - 48%، پاروۆوز دەپوسىنا - 7%، ۆاگوندى تىركەۋدەن اعىتۋعا – 7%-عا دەيىن شىعىن كەتەدى.

سونىمەن قاتار، 2014 جىلى 5 جاڭا جۇيرىك قوزعالىس مارشرۋتتارى  ۇيىمداستىرىلىپ، ولار مىنا باعىتتار بويىنشا  جولاۋشى تاسىمالدايتىن بولادى: استانا-قىزىلوردا، الماتى-تاشكەنت، استانا-زاششيتا، الماتى-زاششيتا مەن الماتى-اقتوبە.