ءقازىر الەۋمەتتىك جەلىلەردى ايتپاعان كۇننىڭ وزىندە، داستارحان ۇستىندە بولسىن، تاكسي ىشىندە بولسىن ، بازاردا بولسىن، كەڭسەدە بولسىن ەكى قازاقتىڭ باسى قوسىلسا، بيلىككە دەگەن رەنىشتەرى مەن اشۋ ىزاسىن ءبىلدىرىپ جاتادى. ءجون- اق، قاراپايىم قازاققا قورعان بولۋدان باس تارتقان بيلىگىن كىم جاقتاي قويادى  دەيسىز. قورعان بولۋدان باس تارتتى دەگەنىمىز تەڭگە باعامىن ەركىنە قويىپ، بۇكىل باعانى قىمباتتاتىپ، بارلىعىن ءوز بەتىنە جىبەرىپ، ۇكىمەتتىڭ جاۋاپكەرشىلىكتەن قاشقانى ەمەس پە؟ تەك ءبىزدىڭ قازاقتىڭ بويىنا بىتكەن شىدامدىلىق پەن قارانىڭ حانعا قارسى شىقپاعان تەكتىلىگىن ساقتاعاندىقتان عانا ەلىمىزدىڭ تىنىشتىق ورناپ تۇر. تەك شيكىزاتقا عانا سۇيەنگەن ەلىمىز ءۇشىن تەڭگەنىڭ قۇلدىراپ ءبىر دوللار 300 تەڭگە جەتۋى بيلىكتىڭ حالىقتى كۇن كورىس كوزىنەن ايىرعانى بولىپ تابىلادى. بىزدەن باسقا حالىق   بۇل جاعادايعا شىداپ تۇرماس ەدى. تەك ءبىز عانا شىداۋدامىز. سوندا ۇكىمەت ءبىزدىڭ شىدامىمىزبەن نەگە الىسىپ اۋرە. بۇنىڭ بارلىعى ۇكىمەتتەگى بىرەۋلەردىڭ قازاققا جاساپ وتىرعان قاستاندىعى مەن ارانتاتۋشىلىعى دەپ تۇسىنۋگە بولادى. سوندىقتان، حالىقتى بيلىككە قارسى شىعىۋعا يتەرمەلەپ وتىرعان بىردەن ءبىر نارسە- ۇكىمەت. ال ۇكىمەتكە ۇكىمەت باسشىسى جاۋاپ بەرۋى كەرەك. مەنىڭشە، قازاقتى بيلىگىنە وشىكتىرىپ وتىرعان پرەمەر مينيستر كارىم ءماسىموۆ قىزمەتىنەن كەتۋى ءتيىس. قازاققا قازاقتى ارانداتۋشى مينيستر كەرەك ەمەس.

تۇردىبەك قۇرمەتحان