ەندىگى جەردە سالىعى مەن قارىزىن تولەمەگەن الماتىلىق اۆتوكولىك يەلەرى كولىكتەرىنەن ايىرىلاتىن بولادى. سەبەبى مەگاپوليس بيۋدجەتىنە سالىقتى دەر كەزىندە تولەمەگەن اۆتوكولىك يەلەرىنىڭ كەسىرىنەن 4 ميلليارد تەڭگەگە جۋىق شىعىن كەلگەن.
سونى ەسكەرگەن، الماتى قالالىق مەملەكەتتىك كىرىس باسقارماسى سوڭعى شارانى قولعا الۋعا كىرىسكەن. بۇل تۋرالى «قامشى» پورتالى today.kz-كە سىلتەمە جاساي وتىرىپ حابارلايدى.
جەرگىلىكتى اكىمشىلىك باسقارمانىڭ ەنگىزگەن جاڭا تالابىنىڭ العاشقى جازالانۋشىسى قالا تۇرعىنى يۋليا وزەر ەسىمدى كولىك جۇرگىزۋشىسى. قىمبات شەتەلدىك كولىكتىڭ يەسى مەملەكەتكە 650 مىڭ تەڭگە كولەمىندە سالىق تولەمەگەن. سالدارىنان كولىگى ايىپ تۇراعىنا جەتكىزىلگەن. كەيىن انىقتالعانداي كولىك يەسى 2012 جىلدان بەرى قاراي سالىق تولەمەگەن بولىپ شىقتى. يۋليا سەكىلدى تاعى 26 مىڭ كولىك جۇرگىزۋشىسى دەر كەزىندە سالىق تولەمەگەندەردىڭ تىزىمىنە قوسىلعان. ولاردىڭ مەملەكەتكە قارىزى 3 ميلليارد 700 ميلليون تەڭگەنى قۇراپ وتىر.
«جىل باسىنان بەرى قاراي مەملەكەتتىك سوت ورىنداۋشىلارىمەن بىرلەسىپ جۇرگەزگەن جۇمىستىڭ ناتيجەسىندە مەملەكەت قازىناسىنا ءبىر ميلليارد تەڭگەدەن استام قارىز قايتارىلدى. ول 7000 اۆتوكولىك جۇرگىزۋشىسىنىڭ سالىقتان جالتارعان قارىزى عانا»،-دەيدى الماتى قالالىق مەملەكەتتىك قىزمەت باسقارماسىنىڭ جەتەكشىسى ورىنگۇل قازييەۆا.
