قازاقستان قور بيرجاسىنىڭ ەكس-پرەزيدەنتى ازامات جولداسبەكوۆ   ءوزىنىڭ Faccebookتەگى پاراقشاسىندا ق ر ۇلتتىق بانكىنىڭ ۆاليۋتا نارىعىنداعى بەلسەندى قاتىسۋشىلاردى اتاپ كورسەتۋىنە بايلانىستى ءوز ويىن ءبىلدىردى.

“ كەشەگى ۆاليۋتا نارىعىنداعى قاتىسۋشىلار تۋرالى اقپاراتتى اشىق تۇردە جاريا ەتۋدىڭ ءمانىن تۇسىنە المادىم. بىرىنشىدەن ،  قوس تاراپتىڭ بيرجا كەلىسىمى – كوممەرسيالىق قۇپيا بولىپ سانالادى. ول قۇپيانى جايىپ سالۋ- KASE ەرەجەلەرى مەن زاڭدى بۇزۋ بولىپ ەسەپتەلەدى. ەكىنشىدەن، ۆاليۋتانى ساتىپ الۋ  -  نارىقتاعى قاتىسۋشىنىڭ جەكە  (كوممەرسيالىق) جۇمىسى.قانداي كۋرسپەن ساتىپ الامىن دەسە دە، ءوزى بىلەدى.سوندا ونىڭ كىناسى نەدە؟  ەگەر ساتىلىم تۋرالى  كەڭەيتىلگەن  اقپارات تاراتىلاتىن بولسا، وندا ورتالىق بانكتىڭ  شەتەل ۆاليۋتاسى مەن  قارجى قۇرالدارىنا قاتىستى مالىمەتى ۇلكەن ماڭىزعا يە ”، -دەپ جازدى ازامات جولداسبەكوۆ.

كەشە ۇلتتىق بانك  KASE بويىنشا ۆاليۋتا ساۋداسىمەن اينالىساتىن بانكتەردى حالىققا مالىمدەگەن ەدى. حالىق بانكى  مەن  QAZAQ BANKI جانە التىن بانك العاشقى كوشتى باستاپ تۇرعان بولاتىن.

دەگەنمەن، ۇلتتىق بانكتىڭ بۇل ارەكەتىنە حالىق بانك قارسىلىق نىشاندارىن تانىتىپ ۇلگەردى.  بۇل تۋرالى «قامشى» پورتالى جاڭالىقتار ايدارىندا جازدى. حالىق بانكى جولدانعان اقپاراتتىڭ ساۋاتتى ءارى ناقتى بولۋىن  ۇلتتىق بانكتان تالاپ ەتتى. ءقازىر دوللار باعامى ءبىرشاما (1 دوللار -270، 11 تەڭگە تۇرادى) تومەندەدى. الايدا، ەكونوميكالىق ۇردىسكە بيلىكتىڭ تەگەۋرىن كورسەتۋىن اركىم سان-ساققا جۇگىرتىپ تالقىلاپ جاتىر. قالاي بولعاندا دا، تەڭگەنىڭ از ۋاقىتقا بولسا دا ءبىر باعامعا تۇراقتاۋى ءۇشىن ءبىز تاعى دا قاراجات سارپ ەتتىك. ۆاليۋتانىڭ  ابىرويىن ىشكى نارىقتا رەتتەي الماعاندىقتان، قاراجات جۇمساپ ساقتاپ قولۋعا تىرىستىق. بارلىعىن اقشا شەشەدى. ءتىپتى اقشانىڭ اقشا بولىپ ابىروي تابۋىنا دا اقشا كەرەك.

اينۇر تولەۋ