ەندى  قازاقستاندىق شەنەۋنىكتەرگە  «مايلى كرەسلولارى ءۇشىن» شەتەلدىك ارىپتەستەرىمەن تالاساتىن كۇن الىس ەمەس سياقتى.  كشە ق ر پارلامەنتىنىڭ تومەنگى پالاتاسىنىڭ كەزەكتى وتىرىسىندا «مەملەكەتتىك قىزمەت پەن ۇكىمەتكە شەتەلدىك مامانداردى تارتۋ» تۋرالى زاڭ جوباسى ءبىر اۋىزدان ماقۇلدانعان. بۇل تۋرالى «قامشى» پورتالى «استانا» ارناسىنا سىلتەمە جاساي وتىرىپ حابارلايدى.

ق ر مەملەكەتتىك قىزمەتتەر جانە جەمقورلىققا قارسى كۇرەس اگەنتتىگىنىڭ ءتوراعاسى قايرات قوجامجاروۆ مىرزا ماجىلىستە مالىمدەگەن.  قوجامجاروۆتىڭ ايتۋىنشا، سوڭعى شەشىمدى ۇلتتىق كوميسسيا قابىلدايتىن بولادى.

«ميستەر مينيستر» نەمەسە «مەر-اكىم». كەلەمەجدەگەنىمىز ەمەس، ءبىراق وتە جاقىن ارادا بۇل قازاقستاندىق ساياساتتاعى رەالدى اتاۋعا اينالۋى بەك مۇمكىن. ال، پوست-كەڭەستىك مەملەكەتتەردە بۇل جۇيە تاجىربيەدەن وتكەن. مىسالى، گرۋزيانىڭ ەكس-پرەزيدەنتى ميحاەل سااكاشۆيلي ۋكراينا بيلىگى مەر ەتىپ تاعايىنداعانىن  بىلەسىزدەر.  قازاقستان رەسپۋبليكاسى مەملەكەتتىك قىزمەتتەر جانە جەمقورلىققا قارسى كۇرەس اگەنتتىگىنىڭ ءتوراعاسى ۇسىنعان بۇل ۇسىنىستى ءماجىلىس تولىق قۇراممەن، ءبىر اۋىزدان ماقۇلداعان. سوندا قالاي؟ ەندىگى جەردە «وتان ءۇشىن»، قازاقستاننىڭ بولاشاعى ءۇشىن دەگەن جالاڭباي سىلتاۋمەن بيلىك باسىنا شەتەل ازاماتتارىن تاعايىنداي بەرەمىز بە؟

قايرات قوجامجاروۆ، ق ر مەملەكەتتىك قىزمەتتەر جانە جەمقورلىققا قارسى كۇرەس اگەنتتىگىنىڭ ءتوراعاسى:

ء-بىز شەتەل ازاماتتىرىن مەملەكەتتىك قىزمەتتەرگە جانە ۇكىمەتكە قابىلداۋدى ۇيعاردىق. الايدا، ناقتى كىمدەر قابىلدانادى، قانداي تالاپتار قويىلاتىنىن ۇلتتىق كوميسسيا شەشەتىن بولادى. سونىمەن قاتار، مەملەكەتتىك قىزمەت قۇرىلىمىنا جاعا مودەل ەنگىزىلەتىن بولادى. ەندىگى جەردە قانداي دا ءبىر جوعارى لاۋازىمدى قىزمەتكە قابىلدانۋى ءۇشىن «ۇمىتكەر» بەلگىلى ءبىر مەرزىم ىشىندە ەڭ تومەنگى قىزمەتتەردى اتقارۋى ءتيىس بولادى. مىسالى، ءبىر باسقارمانى باسقارۋ ءۇشىن «ۇمىتكەر» 3 جىل بويى قاراپايىم مامان بولىپ جۇمىس ىستەۋ كەرەك. سوسىن بارىپ كەلەسى دەڭگەيگە وتەدى. ال كەلەسى دەڭگەي مىسالى – ءبولىم مەڭگەرۋشىسى دەگەن سياقتى.

ال ءدال وسىنداي مانساپ يەرارحياسى «شەتەلدىك شەنەۋنىكتەرگە» دە مىندەتتەلەدى مە، ونى قوجامجاروۆ مىرزا اشىپ ايتپادى.  ازىرگە بەلگىلىسى، الەمدىك تاجىربيەلەر كورسەتكەندەي  شەتەلدەن ارنايى شاقىرتقان ماماندار تەك جوعارى لاۋازىمدارعا عانا تاعايىندالادى. ەۋروپالىق پرەسەدەنت: ءدال وسىنداي زاڭ جوباسى بىلتىر چەحيادا قابىلدانعان. ال 2015 جىلدىڭ مامىر ايىندا ۋكراينادا ودەسسو وبلىسىنىڭ گۋبەرناتورى بولىپ گرۋزيانىڭ ەكس-پرەزيدەنتى سايلانعان.

ءتۇيىن: قوجامجاروۆ مىرزانىڭ بۇل جولعى ۇسىنىسانان تۇيگەنىمىز دە، تۇيتكىلگە تۇيرەپ وتكەنىمىز دە وسى بولماق، ءسىرا! قازاقستاندا تاجىربيەسى مەن بىلىكتىلىگى ءبىر باسىنا جەتىپ ارتىلارلىق ماماندار تۇرعان كەزدە بۇل نەعىلعان «نوۆشەستۆو»؟ جاقسى، دەموگوگياعا دەندەپ العان، گارانتيكالىق جۇيەگە جاتىق باس شۇلعىعىش مينيسترلەر مەن پارمەنسىز پارلامەنتتى، جاعىمپاز باسشىلاردى تاقتان تايدىرۋدىڭ ءبىر جولى بولسا – مەملەكەتتەن ستەپەنديا تاعايىنداپ، ارنايى «بولاشاق» باعدارلاماسىمەن شەتەلدە وقىتىپ، سول جاقتىڭ تاجىربيەسىن جيناقتاتىپ كەلگەن جاس ماماندار قايدا قالادى؟ ونسىز دا قازاقستاندىق ورتادا «بولاشاقتىڭ بولاشاعى جوق پا» دەگەن كۇڭكىل كوبەيىپ بارا جاتقانى وتىرىك ەمەس. ايتپەسە، ولاردىڭ بويىندا – ۇلتتى سۇيەتىن، ۇلتقا قىزمەت ەتەتىن ۇستانىم جوق بولعانى ما؟

ارينە ءماجىلىستىڭ ماقۇلاۋىنان وتكەن زاڭ جوباسى اناۋ-مىناۋ ەمەس، «شۇعىل قابىلدانۋى ءتيىس» ۇسىنىستاردىڭ قاتارىنا قوسىلعان ەكەن، دەمەك، جاقىن ارادا بۇل «رەالعا» اينالادى دەگەن ءسوز. مۇحيتتىڭ ارعى جاعىنان ماماندار كەلەدى  دەپ ۇمىتتەنۋدىڭ دالباسا ەكەنى تۇسىنىكتى. «اقساقال بيلىك» پەن ۇكىمەت  ءۇشىن قازىرگى تاڭدا ستراتەگيالىق جاعىنان ەڭ قولايلى  شەتەل – رەسەي فەدەراسياسى. دەمەك كادر دا سول جاقتان كەلەدى دەگەن ءسوز. ەندەشە ەگەمەن كۇندە ەل بيلىگىن تاعى دا رەسەيلىك «ۆاتنيك» ساياساتكەرلەردىڭ قولىنا بەرىپ قويامىز با؟  بۇل تاۋەلسىزدىگىمىزدى قولدان بەرە سالۋدىڭ تاعى ءبىر كەزەكتى "كرەاتيۆتى" ءتاسىلى مە، سوندا؟ ارعى جاعىن ءوزىڭىز ويلاي بەرىڭىز!

نۇرگەلدى ءابدىعاني ۇلى

«قامشى» سىلتەيدى
 

م