قىزىلوردا اكىمىنىڭ ورىنباسارى نۇرجان الىبايەۆ قىزمەتىنەن كەتتى. بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى. ول بۇل قىزمەتكە 2013 جىلى تاعايىندالعان بولاتىن.
الىبايەۆ تج جانە جۇمىلدىرۋ دايىندىعى، ەنەرگەتيكا، گازبەن جابدىقتاۋ جانە تۇرعىن ۇي-كوممۋنالدىق قىزمەتى، تابيعي مونوپوليالاردى رەتتەۋ، ارحيتەكتۋرا جانە قۇرىلىس، ءتۇرلى سالادا مەملەكەتتىك ستاندارتتاردىڭ ورىندالۋىن قاداعالاۋ سياقتى بىرنەشە ماسەلەمەن اينالىستى. ازىرگە ورىنباساردىڭ ورنىن كىم جايعاساتىندىعى بەلگىسىز. الىبايەۆ نۇرجان نۇرماعامبەت ۇلى 1967 جىلى 5 ناۋرىزدا قىزىلوردا وبلىسىنىڭ ارال قالاسىندا دۇنيەگە كەلگەن. 2007-2009 جىلدارى "ماڭعىستاۋ وبلىسى اكىمدىگىنىڭ ىستەر باسقارماسى" مكقك-نىڭ ديرەكتورى، 2009-2013 جىلدارى "قازترانسگاز ايماق" اق-نىڭ باسقارۋشى ديرەكتورى قىزمەتتەرىن اتقاردى.
