كەشە قازاقستان پرەزيدەنتى نۇرسۇلتان نازاربايەۆ استانادا قۇرامىنا مەملەكەت قايراتكەرلەرى مەن نوبەل سىيلىعىناڭ لاۋراەتتارى كىرەتىن الەم  اقساقالداستارى القاسىمەن كەزدەستى. بۇل تۋرالى «قامشى» پورتالى today.kz سايتىنا سىلتەمە جاساي وتىرىپ حابارلايدى.

استاناداعى كەزدەسۋگە ءيزرايلدىڭ ەكس-پرەزيدەنتى شيمون پەرەس، پولشانىڭ ەكس-پرەزيدەنتى لەح ۆالەنسا، كولۋمبيانىڭ ەكس-پرەزيدەنتى س.ترۋحيلو، يسپانيانىڭ ەكس-پرەمەر-مينيسترى ح.ساپاتەرو جانە ماگاتە-نىڭ ەكس-باس ديرەكتورى م.ال-بارادەي مىرزالار كەلگەن.

شاراعا قاتىسۋشىلار الەمدىك ساياساتتاعى وزەكتى ماسەلەلەردى، كۇن تارتىبىندەگى ەكونوميكالىق تۇيتكىلدەر مەن حالىقارالىق قاۋىپسىزدىك ماسەلەلەرىن تالقىلادى. وسى رەتتە الەمدەگى ورىن الىپ جاتقان قارۋلى قاقتىعىستارعا قاتىستى قازاقستاننىڭ الەمدىك ساياساتتاعى جانە حالىقارالىق قاۋىمداستىقتاعى ءرولى ءسوز بولدى.

سونىمەن قاتار، الەمدىك داعدارىستىق ەكونوميكا  كەزەڭىندەگى قازاقستاننىڭ قادامدارى  تۋرالى ايتىلعان.

ءوز كەزگىندە قازاقستان پرەزيدەنتى نۇرسۇلتان نازاربايەۆ قازاقستاننىڭ تاۋەلسىزدىك جىلدارى جەتكەن جەتىستىكتەرىن اتاپ ءوتتى.

«ءبىزدىڭ تاۋەلسىزدىك العان العاشقى جالداردان باستاپ ءومىر ءسۇرۋ ءۇشىن كۇرەسىمىز باستالعان. سەبەبى ونىڭ بولاشاعى بۇلىڭعىر ەدى.  ال ءبىز اياققا نىق تۇرۋ ءۇشىن ءتۇرلى قادامدار جاسادىق. مىسالى، سوسياليستىك ەكونوميكادان نارىقتىق رەلسكە ءتۇسۋ قيىنعا سوققانىمەن، ءبىز مۇنى دا ەڭسەردىك. پريۆاتيزاسيا جۇرگىزىلگەن ءۇش جىلدىڭ ىشىندە ورتالىق ازياداعى ەڭ ءىرى ينۆەستورلاردى تارتا بىلدىك. بۇگىندە قازاقستان باسەكەگە قابىلەتتى 50 دامىعان مەملەكەتتىڭ قاتىرانى كىرەدى جانە ەڭ ءىرى ينۆەستيسيا قورى ساقتالعان 20 مەملەكەتتىڭ ءبىرى»،-دەدى مەملەكەت باسشىسى.