ۇلتتىق بانكتىڭ جىل سايىنعى  ارەكەتتەرىن ەكونوميست وراز جاندوسوۆ سىنعا الدى. بۇل تۋرالى «قامشى» پورتالى كازتاگ-قا سىلتەمە جاساي وتىرىپ حابارلايدى.

«تەڭگە باعامىنا كەلەر بولساق ۇلتتىق بانكتىڭ وتكەن جىلدىڭ كۇزىنەن بەرى ىستەپ كەلگەن «اقىماقتىقتارى» ادامعا ايدان انىق بولعانى سونشالىق، ونى تالىقلاپ جاتۋدىڭ دا قاجەتى جوق. ءبىزدىڭ قازاقستاندىقتار مەن بيزنەس وكىلدەرى كوبىنە قارجى-نەسيەلىك ساياسات جۇرگىزەتىن ورگاننىڭ اقىلعا قونىمسىز ارەكەتتەرىنە قىنجىلادى»، – دەيدى جاندوسوۆ Kazakhstan growth forum جيىنى بارىسىندا.

ونىڭ ايتۋىنشا، تياناقتالعان باعامنان گورى تولىقتاي “ەركىنە جىبەرىلگەن” باعام الدەقايدا ءتيىمدى.

«ەڭ باستىسى مۇنداي “ەركىنە” جىبەرىلگەن باعام تۇسىنىكتى بولۋى قاجەت. كەم دەگەندە بيزنەسمەندەر تۇسىنە ءبىلۋى ءتيىس. بۇل ورايدا ۇلتتىق بانكتىڭ قارجىلىق-نەسيەلىك ساياساتى قيسىندى»، – دەيدى وراز جاندوسوۆ.

بۇدان وزگە مامان ۇلتتىق بانكتى قارجىلىق-نەسيەلىك ساياسات ورگانى دەپ قاراستىرىپ، بانك جۇيەسى مەن وزگە قارجىلىق ينستيتۋتتاردى رەتتەيتىن ورگانداردى بولەك قويۋ قاجەت دەپ سانايدى.

«اتالمىش ەكى فۋنكسيالاردىڭ اراسىندا كەلىسپەۋشىلىكتەر بارىنا وسى ايلاردا كوزىمىز جەتتى»، – دەپ تۇيىندەدى ءوز ءسوزىن ەكونوميست.