اقتاۋدا كاسپيي جاعاسىنداعى تەڭىز اسكەريلەرىنىڭ وقۋ-جاتتىعۋ جۇمىستارى بارىسىندا قازا تاپقانداردىڭ سەبەپتەرىن انىقتاۋعا قۇرىلعان ارنايى كوميسسيا ءوز جۇمىسىن جالعاستىرۋدا. مۇندا «ورتالىق-2015» اسكەري وقۋ-جاتتىعۋلارى بارىسىندا  ءتورت بىردەي بتر-80 ەكيپاج مۇشەلەرىمەن بىرگە سۋعا باتىپ كەتكەن. الدىن الا بولجامدار بويىنشا 4 اسكەري كوز جۇمعان. والاردىڭ بارلىعى دا قازاقستاننىڭ ايماقتارىنان ارنايى شاقىرتىلعاندار بولعان. سونداي-اق تاعى ەكى جاۋىنگەر اۋىر دەنە جاراقاتىن العان.

ارنايى كوميسسيا انىقتاعانداي،  جاتتىعۋ كەزىندە قازا تاپقانداردىڭ اتى-جوندەرى بەلگىلى بولدى. كتك تەلەارناسىنىڭ مالىمەتىنشە، ولار 19 جاستاعى باۋىرجان جولداباي، ول وڭتۇستىك قازاقستان وبلىسىنىڭ سوزاق اۋدانىنان شاقىرتىلعان، 19 جاستاعى اسىلجان ماحامبەتوۆ، ول اتىراۋ وبلىسىنىڭ قۇلسارى اۋدانىنان شاقىرتىلعان. سونىمەن قاتار، ءمايىتحاناعا 23 جاستاعى زامير ءادىلوۆتىڭ دەنەسى جەتكىزىلدى، ول الماتى وبلىسىنىڭ ەڭبەكشىقازاق اۋدانىنان بارعان جانە 19 جاستاعى باقىتجان قالىباي، ول اتىراۋ وبلىسىنىڭ ماقات اۋلىنان بارعان.  

"تەڭىزدەن شامامەن 150 مەتر وتكەننەن كەيىن قاتتى جەل مەن جوعارى تولقىن سالدارىنان ءتورت بتر-80 سۋعا باتىپ كەتتى. ەكى تەحنيكا ءوز كۇشىمەن جاعالاۋعا شىقتى. الدىن-الا مالىمەت بويىنشا مەرزىمدى قىزمەتتىڭ 4 اسكەري قىزمەتشىسى سۋعا باتىپ كەتكەن"، - دەپ حابارلادى باسپا ءسوز قىزمەتىندەگىلەر. سونىمەن قاتار، ق ر قورعانىس ءمينيسترى يمانعالي تاسماعامبەتوۆتىڭ ق ر قورعانىس مينيسترلىگى باس ينسپەكسياسىنا جاعدايدىڭ سەبەبىن تولىق انىقتاۋ ءۇشىن جەدەل ارنايى توپ قۇرىپ، وقيعا ورنىنا بارۋدى تاپسىرعان.