ءبىز وسى قازاق حاندىعىنىڭ 550 جىلدىعىن دۇركىرەتىپ تويلاعالى ءجۇرمىز. ءبىراق، سول حاندىعىمىزدىڭ بولعانىن دالەلدەيتىن ولاردىڭ ۇرپاقتارىمەن شارۋامىز جوق. ەگەر شىنىمەن دە قازاق حاندىعى بولعانىن الەم جۇرتىنا تانىتقىمىز كەلسە، وندا سول حاندارىمىزدىڭ ۇرپاقتارىن ىزدەستىرۋىمىز كەرەك! كەزىندە ورىستارعا ەرىپ ولاردىڭ تۇقىمدارىن قىرىپ تاستادىق، ءتىرى قالعاندارىن ەلدەن قۋىپ شىقتىق. ەندى سول قاتەمىزدى تۇزەتۋىمىز قاجەت. تورە رۋىن قازاق ەمەس دەگەن « قىرتپا» سوزدەردى دوعارۋىمىز كەرەك. شىڭعىسحانىڭ تۇركى تايپاسىنان ەكەنى بەلگىلى بولدى، ءتىپتى تولىعىمەن ناعىز قازاق دەۋگە دە دالەلىمىز بار. قازاق حاندىعىن قۇرعان كەرەي مەن سوڭعى حانىمىز كەنەسارى دا شىڭعىسحان ۇرپاعى ەكەنىن ءبارىمىز دە بىلەمىز. سونى بىلە تۇرا، نەگە تورەلەردى قازاقتان شەتتەتەمىز. حانىن سىيلاماعان ۇلتتىڭ نە بولاتىنىن باسىمىزدان وتكەردىك. ورىستىڭ قۇلىنا اينالدىق. ەندى ءبىز حان تۇقىمدارىن سىيلاۋىمىز كەرەك، سوندا عانا دۇنيەنىڭ جارتىسىنان كوبىن بيلەگەن شىڭعىسحان ۇرپاعى ەكەنىمىزدى، الەم جۇرتشىلىعى مويىندايتىن بولادى. ەگەر وسىنى جاساماساق، بارلىعى ءبالدۋ-بالدۋ، ءبالدۋ ءبارى وتىرىك، ءوز ارامىزداعى بوس ماقتانشىلىق اڭگىمە بولىپ قالا بەرەدى.

قايرات قۇدايبەرگەن ۇلى، Facebook پاراقشاسىنان الىندى