دارىگەرلەردىڭ حالىقارالىق ۇجىمى ەۋروپانىڭ ەڭ «سەمىز» جانە ەڭ «سىمباتتى» ۇلتتارىن اتادى. اۆتورلار زەرتتەۋلەرىنىڭ ناتيجەلەرىن Nature Genetics جۋرنالىندا جاريالادى. بۇل تۋرالى "قامشى" پورتالى "قازاقپاراتقا" سىلتەمە جاساي وتىرىپ حابارلايدى.

دارىگەرلەر ءوز جۇمىسىندا ەۋروپاداعى 14 ەلدە تۇراتىن شامامەن 250 مىڭ ادام، سونداي-اق 17،5 مىڭ تۋىستىق جۇپ بويىنشا مالىمەتتەردى تالداعان. زەرتتەۋ قانداي دا ءبىر ۇلت وكىلىنىڭ ورتاشا بويى نەعۇرلىم تومەن بولسا، ونىڭ وكىلدەرى سوعۇرلىم ارىق جانە دەنە ءبىتىمىنىڭ يندەكسى (دمي) از.

سوڭعىسى دەنە سالماعىنا (كەلىمەن ولشەگەندە) بويىنىڭ ۇزىندىعىنا  (مەترمەن ولشەگەندە) سايكەس بەلگىلەنىپ، ارتىق سالماقتى انىقتايدى. مىسالى، دەنەنىڭ سالماعى 67 كەلى جانە بويى 1،7 مەتر بولعان جاعدايدا، دمي 23-كە تەڭ.

سكانديناۆيا ەلدەرى – نورۆەگيا، شۆەسيا جانە دانيا تۇرعىندارىنىڭ بويلارى ەڭ ۇزىن جانە سىمباتتى بولىپ تانىلسا، ەڭ سەمىز جانە بويلارى تاپالدار يسپاندىقتار، يتالياندىقتار، پورتۋگالدىقتار جانە گرەكتەر بولىپ شىقتى.

فرانسۋزدار مەن بريتاندىقتار ورتاشا پوزيسيالاردا تۇراقتادى.