ياكۋتيانىڭ عىلىم اكادەمياسى جەر بەتىندە 100 مىڭنان استام جىل بۇرىن تىرشىلىك ەتكەن مامونتتىڭ ارعى تەگىنىڭ قاڭقالارى تابىلعانى تۋرالى حابارلادى. بۇل تۋرالى "قامشى" پورتالى قازاقپاراتقا سىلتەمە جاساي وتىرىپ حابارلايدى.

ياكۋتسك قالاسىنان 30 شاقىرىم جەردە انىقتالعان قالدىقتار رەسەي اۋماعىندا بۇرىن-سوڭدى تابىلعان  كونە جانۋارلار ءتۇرىنىڭ ەڭ تولىق قاڭقاسى بولدى.

ريا ءنوۆوستي-دىڭ ناقتىلاۋىنشا، ماسەلە تروگونتەريي ءپىلىنىڭ سۇيەكتەرى تۋرالى بولىپ وتىر. وسىنداي جانۋارلار عالامشاردا ورتا پلەيستوسەن كەزەڭىندە تىرشىلىك ەتكەن. سۇيەكتەردى جەرگىلىكتى تۇرعىندار تاپتى.

«ءقازىردىڭ وزىندە-اق ونىڭ جاسى شامامەن 45-تەگى، ونشا ءىرى ەمەس اتالىق  بولعانىن ايتۋعا بولادى. قاڭقانىڭ بيىكتىگى - ءۇش مەتردەن ءسال اسادى. ونىڭ ازۋ تىستەرى وتە ۇلكەن، ديامەترى شامامەن 18 سم. ازۋىنىڭ ءارقايسىسىنىڭ سالماعى 75 كەلىدەن»، - دەپ جازادى ساحا رەسپۋبليكاسى عىلىم اكادەمياسىنا سىلتەمە جاساعان اگەنتتىك.