قىتايدىڭ ءۇرىمجى قالاسىندا ەسكى باس سۇيەكتەر كورمەسىنەن كەيىن قىتايلىق ساراپشىلار اراسىندا قىزۋ پىكىر-تالاس تۋىنداعان.  كورمەگە قويىلعان 68 باس سۇيەك ەكسپوزيسياسىنىڭ بارلىعىنىڭ ماڭداي تۇسىنداعى تەسىكشە - «ءۇشىنشى كوز» دەپ اتالعانىمەن، ارحەولوگتاردىڭ پىكىرى ەكىگە جارىلعان. بۇل تۋرالى «قامشى» پورتالى Vesti.ru سايتىنا سىلتەمە جاساي وتىرىپ حابارلايدى.

بارلىق باس سۇيەكتەر 1986-1989 جىلدارى شىڭجاڭ قالاسىنداعى قازبا جۇمىستارى كەزىندە تابىلعان. شامامەن بۇل سۇيەكتەردىڭ جاسى 2200-2800 جىلدى قۇرايدى.

ال قىتايلىق عالىمدار كريميناليستتەردىڭ كومەگىنە جۇگىنۋدى ءجون كورگەن. ارنايى ماماندار زەرتتەۋ نىسانى رەتىندە ۇسىنىلعان باس سۇيەكتەردەگى بەلگىسىز تەسىكتىڭ قايدان پايدا بولعاندىعىن انىقتاۋدا.

ال ازىرگە ارحەولوگتاردىڭ ءبىر بولىگى بۇل جارىقشاقتار جاۋگەرشىلىك زامانداعى اسكەرلەردىڭ شايقاستا العان جاراقاتى بولۋى مۇمكىن دەپ تانىعان. ال تاعى ءبىر توپ عالىمدار بۇل حيرۋرگيالىق ارەكەتتەردىڭ ناتيجەسى دەپ ەسەپتەيدى.

«عالىمدار  ەجەلگى تيبەت موناحتارى ادامنىڭ ءۇشىنشى كوزىن شىعارۋ ءۇشىن  تىرىدەي باس سۇيەكتى ويىپ الاتىن بولعان»، - دەيدى.