جاقىندا سۋرەتشى قانات يبراگيموۆ پەن ساياسي ەميگرانت سەرىكجان مامبەتاليندەر ق ر پرەمەر-مينيسترىنىڭ وتستاۆكاعا كەتۋىن تالاپ ەتىپ، ەلباسى نۇرسۇلتان ءابىش ۇلى نازاربايەۆتىڭ اتىنا پەتيسيا جولداعان (http://tribunakz.com/politics/102-kanat-ibragimov-i-serikzhan-mambetalin-trebuyut-otstavki-masimova.html).
«ءبىز قاتارداعى قازاقستاندىقتار – پرەمەر-مينيستر مىرزانىڭ وتستاۆكاعا كەتۋىن تالاپ ەتەمىز. ويتكەنى، ءبىزدىڭ قازاقستاننىڭ الەۋمەتتىك-ساياسي قۇلدىراۋىنا سەبەپكەر دە سول كىسى. سوڭعى ديەۆالۆاسيا، جانارماي باعاسىنىڭ قىمباتتاۋى، ازىق-تۇلىك جانە تاۋار باعالارىنىڭ قىمباتتاۋى سونىڭ جارقىن كورىنىسى. ەگەر ماسەلەنى شەشۋگە تۇك قاۋقارسىز بولسا – ۇكىمەتتىڭ نە كەرەگى بار؟ كەرىسىنشە ءبىزدىڭ ۇكىمەت سول پروبلەمالاردى وزدەرى جاساپ بەرىپ وتىر عوي»، دەيدى بەلسەندىلەر.
ايتا كەتەيىك، 2008 جىلى دا الاياقتارعا الدانعان سالىمشىلار پرەمەر-مينيستر كارىم ءماسىموۆتىڭ وتستاۆكاعا كەتۋىن تالاپ ەتكەن بولاتىن(http://rus.azattyq.mobi/a/article/1187522.html). ودان كەيىن «رۋح پەن ءتىل» جاستار بىرلەستىگىنىڭ ۇيىمداستىرۋىمەن 8 مىڭنان استام ستۋدەنت كارىم قاجىمۇقانۇلىن وتستاۆكاعا جىبەرۋگى سۇراپ، الاڭعا شىققان (http://www.titus.kz/print.php؟id=25596). الايدا ، بۇل تالپىنىستاردىڭ بارلىعى دەرلىك ناتيجەسىز بولعان.
ەندەشە، 2007 جىلدان باستاپ پرەمەر-مينيستر قىزمەتىن اتقارىپ كەلە جاتقان ءماسىموۆ مىرزانىڭ پرەمەرلىكتەگى اتقارعان شارۋالارىن ءبىر شولىپ شىعايىقشى؟ اسا قۇرمەتتى پرەمەر مينيستر مىرزا نە ءبىتىرىپتى، نەنى بىتىرۋگە ۋاقىتى جەتپەي قالىپتى؟
- ديەۆالۆاسيا (http://qamshy.kz/home/show/969). قاتارىنان بىرنەشە مارتە حالىقتى الداپ سوققان ۇكىمەت ديەۆالۆاسيا بولمايدى دەپ قانشا جەردەن حالىقتى سەندىرگەنىمەن ولار سەنىمنەن شىققالى قاشان؟! سوڭعى ديەۆالۆاسيادان قاراشا حالىق 50 پايىز شىعىنعا باتتى. جۇدەپ، ءبىتتى. ءيا، ءماسىموۆ مىرزانىڭ ارقاسىندا حالىق پەن بيلىكتىڭ اراسى الشاقتاي ءتۇستى (http://qamshy.kz/home/show/986).
- قازاقستان مۇنايىن بايعۇستىڭ اۋزىن جىرىپ، بايدىڭ اۋزىنا سالىپ بەرۋدەن جالىقپادى(http://qamshy.kz/home/show/1455).
- قارا مايدىڭ ارقاسىندا ۇزدىك وتىزدىققا كىرەمىز دەپ داۋرىعىپ جۇرگەنىمىزدە الەمدەگى ەڭ كەدەي ەلدەردىڭ قاتارىنان ءبىراق شىقتىق (http://qamshy.kz/home/show/1312).
- راس، حالىق «ارزاندادى» دەگەن ءسوزدى ەستۋدەن كۇدەرى ۇزىلگەن. ەستيتىن تەك «قامباتتادى». جىلۋ جۇيەسى وتكەن جىلعىلارمەن سالىستىرعاندا 53،27 تەڭگەدەن 111،15 تەڭگەگە دەيىن قىمباتتاعان.
- كوممۋنالدىق قىزمەتكە تولەنەتىن تولەماقى 1 كۆت ەلەكتر قۋاتى ءۇشىن 15،4 تەڭگەگە وسكەن.
- 1 تەكشە مەتر ىستىق سۋ – 35،3 تەڭگەگە كوتەرىلگەن.
- 1 تەكشە مەرتر گاز ءۇشىن بۇرىنعىداي 652،8 تەڭگە ەمەس، 744 تەڭگە تولەيتىن كۇنگە جەتكەنبىز.
- ايتپاقشى، مەكتەپتەگى ءبىر مەزگىل بەرىلەتىن تەگىن تاماقتىڭ ءوزىن كوپ كورىپ، «ساتىپ ءىشسىن!» دەگەن ۇكىمەتتەگى شەندىلەر ەمەس پە؟! «سودان تۇسكەن قارجىنى مۇگەكدەك بالالارعا اۋدارامىز» دەپتى. ەندەشە ۇكىمەت وزدەرىنە وزدەرى قايشى كەلىپ وتىرعان جوق پا؟ سوندا ەكونوميكالىق الەۋەتىمىز سونشالىقتى بيشارا حالگە تۇسكەنى مە؟ كومەكتەسكىش بولساڭىزدار، سەمەي پوليگونىنان زارداپ شەككەندەردى جارىلقاماق بولىپ «نيەۆادا-سەمەي» قوزعالىسىنىڭ ارناۋلى قورىنا قىرۋار اقشا جيناپ الىپ، سونى بولىسۋمەن بايىعان ماشكيەۆيچ، شودييەۆتەردى نەگە جەكپەيدى؟ ميتتال، كيم، وتەمۇراتوۆ، قۇلىبايەۆتار شە؟(عابباس قابىش ۇلىنىڭ ءسوزى)
- بىزدەگى قالىپتاسقان دەموگوگتىق جۇيە بويىنشا قازاقستانداعى كەز-كەلگەن زاڭىڭىز ءماسىموۆ ماقۇلداماسا قۇنى كوك تيىن ەكەنىن بىلەسىزدەر. ەندەشە ەلباسىنىڭ تاپسىرماسىن ورىنداۋعا قۇلىقتىلىق تانىتپاي، قازاق كوشىنىڭ تۇياعىنا تۇساۋ سالىپ وتىرعان دا وسى ۇكىمەت ەمەس پە؟
- ال مەملەكەتىمىزدىڭ تۇعىرلى تويى، ايتۋشى داتا – قازاق حاندىعىنىڭ 550 جىلدىعىنا دا قارجى بولمەي، «قازاق ەلى» سەريالىنىڭ ءتۇسىرىلىمىن توقتاتىپ قويعان كىم؟ ارينە،ۇكىمەت!
ءتۇيىن: وقيتىن كوز، ۇعاتىن زەيىن شامالى مىنا زاماندا قازاقستاننىڭ ءماسىموۆ مىرزا تىزگىنىن ۇستاپ وتىرعان ۇكىمەتتى ون جەردەن سىناساڭ دا، وڭدىرىپ جاتقىن تۇگى جوقتىعىنا ەتىمىز ۇيرەنىپ كەتسە كەرەك-تى. ءيا، وسى جولعى ءسوزىم ءسال-پال قاتاڭىراق، ەموسيونالدى كورىنۋى مۇمكىن. دەسەدە، حانىنا سەن دەپ سويلەگەن قازاقتىڭ ۇرپاعى بولعاندىقتان سىپايىلىققا سالىنىپ، سىزىلماعاندى ءجون كوردىم. راس، ماعان دەيىن مىڭ مارتە قايتالانسا دا، ءماسىموۆ مىرزا ديەۆالۆاسيادان دەگبىرى قاشقان بۇل قازاقتىڭ شىدامىن تاۋىسقانى جاسىرىن ەمەس.
نۇرگەلدى ءابدىعاني ۇلى
