الماتى كۇنى اياسىندا ق ر تۇڭعىش پرەزيدەنتىنىڭ ساياباعىندا ۇيىمداستىرىلعان Apple Fest شاراسىنا وڭىردەگى اۋىلشارۋاشىلىق وكىلدەرى 100 تونناعا جۋىق الما اكەلگەن. بۇل تۋرالى «قامشى» پورتالى حابارلايدى
«4 اۋداننان جەكە قوجالىقتار الما اكەلدى. ولار: قاراساي اۋدانى، ەڭبەكشىقازاق اۋدانى، ۇيعىر اۋدانى جانە تالعار اۋداندارى. بۇل شاراعا 36 شارۋا قوجالىعى قاتىستى. ولار المانىڭ 20-دان استام سورتىنان 100 تونناعا جۋىق اكەلگەن. بۇل جەردە باعا كۇندەلىكتى بازار باعاسىنان الدەقايدا تومەن. ءبىر كەلىسىن 180-250 تەڭگە اراسىندا ساتىپ الۋلارىڭىزعا بولادى. ونىمدەر ەكولوگيالىق تازا، تابيعي»،-دەيدى الماتى قالالىق اۋىلشارۋاشىلىعى باسقارماسى وكىلى قانات كاكەن.
