جاقىندا رف پرەزيدەنتى ۆلاديمير پۋتين رەسەيدىڭ سيرياداعى يسلاميستەرگە قارسى سوعىسقا قاتىساتىنى نەمەسە قاتىسپايتىنى بەلگىسىز دەپ مالىمدەگەن. بۇل تۋرالى «قامشى» پورتالى تاسس-قا سىلتەمە جاساي وتىرىپ حابارلايدى.
ۆلاديمير پۋتين، رف پرەزيدەنتى:
ء-بىز ءدال قازىرگى تاڭدا وسى ماسەلەنى جان-جاقتى تالقىلاۋدامىز. رەسەي اسكەرى سيرياداعى يشيم سودىرلارىنا قارسى سوعىسقا قاتىسۋى تۋرالى ناقتى شەشىمدەر قابىلدانعان جوق. ءبىز كۇن تارتىبىنە سيريا بيلىگىمەن كەلىسسوزدەر جۇرگىزۋدى جوسپارلاپ وتىرمىز. راس، ءبىز سوعىسقا ءتاس-تۇيىن دايىنبىز. دەگەنمەن، بۇل تۋرالى اڭگىمە قوزعاۋعا ەرتەرەك. سونداي-اق، ءبىز قازىرگى كۇننىڭ وزىندە سيريا بيلىگىن قاجەتتى اسكەري تەحنيكالارمەن، قارۋ-جاراقتارمەن قامتاماسىز ەتۋدەمىز. ءتىپتى، اقش اۋە كۇشتەرى يشيم بازالارىن اۋەدەن سوققىلاعانىمەن، قارسىلىق ازايماي تۇر. مىسالى، يشيم باقىلاۋىنداعى ايماقتاردا ىلگەرىلەۋ دەگەن اتىمەن ۇمىتىلعان. وندا ادامدار قالاي ءومىر سۇرەدى. ءومىر سۇرە المايدى، سوندىقتان ول جاقتان قاشادى.ولار (تەرروريستەر) ءجۇز مىڭداعان بەيبىت ادامدى اياۋسىز قىرۋدا، تاريحي ەسكەرتكىشتەردى قيراتىپ، دامداردى تىرىلەي ورتەۋدە نەمەسە سۋعا باتىرىپ جىبەرۋدە. ول جەردە قالاي ءومىر سۇرۋگە بولادى؟
سيرياداعى سودىرلارعا قارسى سوعىستا مەملەكەتتىك اسكەردى قارۋ-جاراقپەن قامتاماسىز ەتۋ تۋرالى ءسوز ەتە وتىرىپ، سيريا مەن رەسەي اراسىنداعى 7 جىل بۇرىن قول قويىلعان كەلىسىم نەگىزىندە رف اسكەرى ازات ەتۋ وپەراسيالارىنا قاتىسۋى مۇمكىن ەكەندىگىن ايتقان (http://www.rbc.ru/rbcfreenews/55e919df9a79471ef1c29154).
ال، پرەزيدەنتتىڭ بۇل سوزىنەن كەيىن مىڭداعان ماسكەۋلىك پۋتين مەن ۇكىمەتتىڭ وتستاۆكاعا كەتۋىن تالاپ ەتىپ، شەرۋگە شىققان(http://rusnsn.info/protesty/v-moskve-sostoyalsya-miting-za-otstavku-putina.html). ورىس ۇلتشىلدارىنىڭ بۇل باستاماسىن «ۇلت جانە بوستاندىق» كوميتەتى مەن رف «پاميات» قوعامدىق بىرلەستىگى دە قولداعان. شەرۋشىلەردىڭ باستى تالاپتارى:
- پرەزيدەنت ۆلاديمەر ءپۋتيننىڭ وتستاۆكاسى
- بيلىك باسىنداعى «ەدينايا روسسيا» پارتياسى مەن بيلىكتىك پارتيالاردىڭ وتستاۆكاسى
- ءسوز بوستاندىعىنا شەكتەۋ قويىلماۋىن قامتاماسىز ەتۋ
- سيرياداعى سوعىسقا قارسىمىز
-بيلىك قۋدالاۋىنا تۇسكەن ساياسي تۇتقىنداردى بوساتۋ جانە ساياسي ولىمدەرگە كىنالىلەردى جازالاۋ. سونداي-اق، رەسەيلىك ديسسيدەنت بوريس نەمسوۆتىڭ قازاسىنا كىنالىلەردى انىقتاۋ!
ال، ورتالىق الاڭنان ءسوز سويلەگەن رەسەيلىك ۇلتشىل-دەموكرات ۆلاديمير ميلوۆ شەرۋشىلەردى پۋتيندىك «رەجيمگە» اياعىنا دەيىن قارسى تۇرۋعا شاقىرعان.
The Times باسىلىمىنىڭ حابارلاۋىنشا، 16 قىركۇيەك كۇنگى رەپورتاج بارىسىندا سيريانىڭ لاتاكيا شاھارىنداعى سودىرلار مەن اسكەريلەر اراسىنداعى سوعىستا رەسەيلىكتەردىڭ جۇرگەنى انىق كورىنگەن. كادر سىرتىندا رەسەيلىك كومانديردىڭ ورىس تىلىندە بۇيرىق بەرىپ تۇرعانى دا ەستىلگەن.
ال، يزرايل پرەمەر-مينيسترى نەتانياگۋ سيرياداعى تانكىلەرگە قاتىستى ۆلاديمير ءپۋتيننىڭ تۇسىندىرمە بەرۋىن تالاپ ەتكەن. ءتىپتى، پرەمەر مىرزا وسى ءۇشىن ارنايى ماسكەۋگە ۇشىپ كەلمەك نيەتتى ەكەنىن جەتكىزگەن. ونداعى ماقسات – رەسەيدىڭ نە ءۇشىن سيرياعا ءوز اسكەرىن جىبەرگەنىن ناقتىلاۋ جانە رەسەي يزرايلگە قارسى سوعىس اشپاق پا، سونى انىقتاۋ (http://v7v7v7.com/2015/09/20/izrail-trebuet-ot-putina-obyasneniy/).
ءپۋتيننىڭ بۇل جولعى شەشىمىن رف قۇرامىنداعى شەشەنستان رەسپۋبليكاسىنىڭ پرەزيدەنتى رامزان قادىروۆ تا قولداپ وتىر. ءتىپتى رامزان احماد ۇلى يشيم-گە قارسى سوعىسقا قاتىسۋدى ارماندايتىنىن جەتكىزگەن (http://www.rg.ru/2015/07/30/reg-skfo/voina-anons.html).
ال، كەشە تۇركيانىڭ ىستامبۇل قالاسىندا انتيتەررورلىق ارەكەتتەرگە قارسى 100 مىڭنان استام بەيبىت تۇرعىن شەرۋگە شىققان. شەرۋگە تۇركيا پرەزيدەنتى رەجەپ تايىپ ەردوعان مىرزا دا قاتىسقان (http://news.allinfo.kz/world/1769908/). ىستامبۇل ورتالىعىندا سويلەگەن سوزىندە تۇرىك پرەزيدەنتى رەجەپ تايىپ ەردوعان مەملەكەتتەگى تەررورلىق ۇيىمداردىڭ باسىندا «كۇردىستان» پارتياسىنىڭ تۇرعانىن اتاپ وتكەن.
ءتۇيىن:
- جوعارىداعى وقيعالاردى قورىتىندىلاي كەلە تۇيەرىمىز- رەسەي مەن يزرايل اراسى سۋىيتىن بولسا، رەسەي فەدەراسياسىنىڭ ەڭ جاقىن ستراتەگيالىق سەرىكتەسى رەتىندە قازاقستان ءوزىنىڭ قارۋلى كۇشتەرىن جاردەمگە جىبەرە مە؟
- وسى ۋاقىتقا دەيىن اۋىق-اۋىق باس كوتەرىپ تۇراتىن ورىس وپپوزيسياسى باس كوتەرە باستاعان. رەسەي مەن قازاقستان ساياسي قۇرىلىمى ەگىز مەملەكەتتەر سانالاتىنى بەلگىلى. دەمەك، بۇل پوست-كەڭەستىك جۇيەدەن شىققان رەسپۋبليكالارداعى قازىرگى بيلىكتىڭ السىرەي باستاعانىن كورسەتە مە؟ رەسەي دەموكراتتارى اتقا قوندى. ال قازاقستانداعى بەلسەندىلەر قايتپەك؟
نۇرگەلدى ءابدىعاني ۇلى
«قامشى» پورتالى
