جامبىل وبلىلى اكىمىنىڭ باسپا ءسوز قىزمەتى جامبىل وبلىسى بايزاق اۋدانى قاينار اۋىلىنداعى No28349 اسكەري ءبولىمىنىڭ (ينجەنەرلىك بريگادا) ءوق-دارى قويماسىندا ەكى ۇلكەن جارىلىس بولعانى تۋرالى اقپارات جاريالادى. ءقازىر جارىلىس بولعان اۋماقتاعى ءورتتى ءسوندىرۋ جۇمىستارى ءجۇرىپ جاتىر.

الايدا جەرگىلىكتى تۇرعىندا ءسات سايىن ءدۇمبۋ داۋسىن ەستىپ جاتقاندارىن ايتۋدا.

رەسمي اقپاراتتا تاراز قالاسىنىڭ №1 قالالىق اۋرۋحاناسىنا ءتۇرلى جاراقاتپەن 32 ادام تۇسكەنى حابارلانعان. ارتىنشا جەلىدە اۋرۋحاناعا تۇسكەندەر سانى 60-قا جەتكەنى تۋرالى اقپارات شىقتى. ونىڭ 11ء-ى اسكەري ادام. قازا تاپقاندار تۋرالى اقپارات جوق.

جارىلىس 250 تۇرعىنى بار قاينار اۋىلى 1 شاقىرىمعا جەتپەيتىن قاشىقتىقتا بولعان. قازىرگى ۋاقىتتا حالىقتى ەۆاكۋاسيالاۋ باستالعان. جەلىدەگى ۆيدەولارعان قاراعاندا ەۆاكۋاسيالانعاندار تارازداعى مەكتەپتەردىڭ بىرىنە ورنالاستىرىلادى.

وقيعا ورنىندا وبلىستىق پوليسيا دەپارتامەنتىنىڭ 300 ادامدىق جەكە قۇرامى مەن 5513  اسكەري ءبولىمىنىڭ 520 ادامنى جۇمىس ىستەپ جاتىر.

اپات بولعان جەرگە باراتىن بارلىق جولدار، سونىڭ ىشىندە تەمىرجول ۋاقىتشا جابىلعان. جاقىن ماڭداعى بازارباي، ءۇش-بۇلاق، جاڭاتۇرمىس اۋىلدارىنىڭ تۇرعىندارى ەۆاكۋاسيالانۋدا. قوعامدىق ءتارتىپتى قورعاۋ جانە توناۋدىڭ الدىن الۋ ماقساتىندا ەۆاكۋاسيالانعان ەلدى مەكەندەردى پاترۋلدەۋ ۇيىمداستىرىلعان.

"بايزاق اۋدانىندا جەدەل شتاب قۇرىلدى، ونى وبلىس اكىمى ب.ساپاربايەۆ باسقارۋدا. "الماتى-تاراز" جولدارىن وبلىستىق جول پوليسياسىنىڭ 3 ەكيپاجى ۋاقىتشا جاپتى.