اۋعانستاننىڭ استاناسى كابۋلدا حاميد كارزاي حالىقارالىق اۋەجايى ورنالاسقان ايماقتا جارىلىس بولدى. بۇل تۋرالى Reuters اقپارات اگەنتتىگى حابارلادى.

اقش  قورعانىس مينيسترلىگىنىڭ باسپا ءسوز حاتشىسى دجون كيربي كابۋل اۋەجايى ماڭىندا جارىلىس بولعانىن راستادى. قاتارىنان بولعان جارىلىستان قازا تاپقاندار 60-قا، جارالاعاندار سانى 140-قا جەتتى. ونىڭ 13ء-ى امەريكالىق ساربازدار.

– كابۋل اۋەجايى تۇسىندا جارىلىس بولدى. جاڭا اقپاراتتار بولسا حابارلاپ وتىرامىز، – دەدى  دجون كيربي.

كۋاگەرلەردىڭ سوزىنشە، جارىلىسقا ءبىر جانكەشتى سەبەپ بولعان. سونىمەن قاتار كابۋلدان كوتەرىلگەن يتاليانىڭ اسكەري ۇشاعىنا وق اتىلعان.

ۇشاققا شامامەن 100 اۋعاندى الىپ كوتەرىلگەندە بىرنەشە مينۋتتان كەيىن وق اتىلعان. ۇكىمەت وق اتىپ، اۋەجايداعى قالىڭ ادامدى تاراتپاق بولعان.

تاليبان قوزعالىسى اۋعانستاندى باسىپ العاننان كەيىن باستالعان حاوس جالعاسىپ جاتىر. تالىپتەر ەلدى باسىپ العالى كابۋلدا قاتارىنان 6 جارىلىس بولدى.