الماتىدا جىلۋ وتەتىن جولدا بولعان اپات كەزىندە 60 جاستاعى ايەل ادامدى قۇتقارىپ قالعان رەسپۋبليكاسىنىڭ اسكەريلەرگە قۇرمەت كورسەتىلدى، دەپ حابارلادى قازاقپارات.

قازاقستان ءىىم ىشكى اسكەرلەرى باس قولباسشىسىنىڭ بۇيرىعىمەن 5571 اسكەري ءبولىمىنىڭ اسكەري جاساق باسشىلارى سەرجانت دانيار ءدىناسىلوۆ پەن كىشى سەرجانتتار قانات قوقىبايەۆ، مامىربەك ماحانوۆ، حاميتجان ءالياقباروۆتار «قوعامدىق ءتارتىپتى ساقتاعانى ءۇشىن» ءتوس بەلگىلەرىمەن ماراپاتتالسا، سەگىز ساربازعا باسشىلىق اتىنان گراموتالار تاپسىرىلدى. «20 جەلتوقسان كۇنى الماتىدا رايىمبەك جانە ناۋرىزباي باتىر داڭعىلدارىنىڭ قيىلىسىندا جىلۋ وتەتىن قۇبىر بۇزىلىپ، سالدارىنان جاياۋ جۇرگىنشىلەر جولىنىڭ ورتاسى ويىلىپ تەسىلدى دە ءىشى ىستىق سۋعا تولىپ كەتتى. ءدال سول «قايناعان قازانعا» روزا جەتىبايەۆا ءتۇسىپ كەتكەن. وسى ۋاقىتتا قوعامدىق ءتارتىپ پەن قاۋىپسىزدىكتى باقىلاۋشى ىشكى اسكەرلەردىڭ اسكەريلەرى كەلىپ، دەرەۋ جەدەل جاردەمدى شاقىرىپ، ايەلدى شۇڭقىردان امان الىپ شىقتى. ودان باسقا سول وقيعا ورنىندا ساربازدار تاعى بىرنەشە زارداپ شەككەن ادامدارعا جاردەم كورسەتتى»، - دەپ جازىلعان باسپا ءسوز قىزمەتىنىڭ حابارلاماسىندا. سالتاناتتى جيىن بارىسىندا زارداپ شەككەن ايەلدىڭ جۇبايى ەربولات جەتىبايەۆ اسكەري مىندەتىن وتەۋشىلەرگە العىسىن ءبىلدىردى.