قازاقستان تمد مەملەكەتتەرى ىشىندە باسەكەگە قابىلەتتىلىك رەيتينگىسى بويىنشا رەسەيدى باسىپ وزدى. بۇكىلالەمدىك ەكونوميكالىق فورۋم ازىرلەگەن رەيتينگىندە قازاقستان جاڭاندىق باسەكەگە قابىلەتتىلىك جونىنەن 42-ورىنعا شىققان. بۇل تۋرالى «قامشى» پورتالى Today.kz-كە سىلتەمە جاساي وتىرىپ حابارلايدى.

اتالمىش رەيتينگتى جەتى جىل قاتارىنان ءبىرىنشى ورىندا كەلە جاتقان شۆەيساريا باستاپ، ەكىنشى ورىندى سينگاپۋر يەمدەنگەن. ال العاشقى ۇشتىكتى اقش تۇيىندەسە، گەرمانيا بۇل تىزىمدە ءتورتىنشى ورىنعا تۇراقتاعان. نيدەرلانددى بيىل بۇل تىزىمدە سەگىزىنشى ورىننان بەسىنشىگە كوتەرىلگەن.

ۇزدىك وندىقتا جاپونيا، گونكونگ، فينليانديا، شۆەسيا مەن ۇلىبريتانيا بار.

جۇڭگو بۇكىلالەمدىك باسەكەگە قابىلەتتىلىك جونىنەن 28-ورىندا.

ال قازاقستان بۇل تىزىمدە 42-ورىنعا تابان تىرەسە، رەسەي 45ء-تى قاناعات تۇتقان.

سونداي-اق، تمد ەلدەرى اراسىندا ەڭ ۇزدىك كورسەتكىشكە ءازىربايجان يەمدەنىپ، 40-ورىندا تۇر.

ايتا كەتەيىك، بەف ەلدەردىڭ باسەكەگە قابىلەتتىلىگىنىڭ رەيتىنگىن 11 كورسەتكىش بويىنشا ەسەپتەيدى، ونىڭ ىشىنە، ينفراقۇرىلىم، تاۋار مەن ەڭبەك نارىعىن ناتيجەلىلىگى، ءبىلىم مەن دەنساۋلىق ساقتاۋ ساپاسى، ەلدەگى ماكروەكونوميكالىق احۋال، ينوۆاسيالار، قارجىلىق نارىقتى دامىتۋ مەن تاعى ءبىرقاتار كورسەتكىشتەر كىرەدى.

نۇرزات توعجان